Dástúrge saı elimizdiń eń ulyq merekesi – Táýelsizdik kúnine oraı «Nur Otan» partııasynyń Ortalyq apparatynda memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan úlken úlesi úshin nurotandyqtar memlekettik jáne partııalyq nagradalarmen marapattaldy.
Marapattardy «Nur Otan» partııasy Tóraǵasynyń birinshi orynbasary Máýlen Áshimbaev tapsyrdy.
Marapat ıelerin qýanyshtarymen quttyqtaǵan «Nur Otan» partııasy Tóraǵasynyń birinshi orynbasary Táýelsizdik kúniniń máni men mańyzyna nazar aýdardy. Sondaı-aq ol egemendiktiń 27 jylynda elimizdiń barlyq salada aýyz toltyryp aıtarlyqtaı jetistikterge qol jetkizgenin, Elbasy saıasatynyń arqasynda Qazaqstannyń alpaýyt eldermen terezesi teń, álemdik qaýymdastyqta abyroı-bedelge ıe memleket bolyp qalyptasqanyn aıtty.
«Parasat» ordenimen «Nur Otan» partııasy Batys Qazaqstan oblystyq fılıaly tóraǵasynyń birinshi orynbasary Serik Súleımen nagradtaldy. Odan bólek, belsendi nurotandyqtar «Qurmet» ordenimen, «Eren eńbegi úshin» medalimen, Qazaqstan Respýblıkasynyń Qurmet gramotasymen, «Astanaǵa – 20 jyl» mereıtoılyq medalimen, «Belsendi qyzmeti úshin» tósbelgisimen «Nur Otan» partııasynyń «Qurmet» gramotasymen marapattaldy.
Jalpy, mereke kúnderi «Belsendi qyzmeti úshin» tósbelgisimen – 61, «Qurmet» gramotasymen 111 nurotandyq nagradtaldy. Olardyń qatarynda Májilis depýtattary, Ortalyq apparat pen partııa tarapynan qurylǵan mekemelerdiń qyzmetkerleri, aımaqtyq jáne aýmaqtyq partııa fılıaldarynyń ókilderi bar, dep habarlady «Nur Otan» partııasynyń baspasóz qyzmeti.