Kólemi ulǵaıyp, turǵyndar sany artyp, jyldan jylǵa qanatyn keńge jaıyp kele jatqan Aqtaý qalasynda taǵy bir alyp nysan qatarǵa qosyldy.
Bul – aqmarjan Aqtaý qalasynyń ajaryn asyra túsetin «Aq Qala Moll» saýda oıyn-saýyqtyq kesheni. Táýelsizdik merekesi qarsańynda tusaýy kesilgen 23 myń sharshy metrdi quraıtyn 5 qabatty ǵımaratta 17 myń saýda orny, gıpermarket, fýdkort, bes zaldy kınoteatr, 2 qabatty qamtıtyn 2,5 myń sharshy metrlik balalar parki jáne aýmaǵy 350 sharshy metrlik bolatyn Qazaqstandaǵy eń iri kontaktty zoobaq ashylmaq. Jańa formattaǵy saýda oıyn-saýyq ortalyǵynda bıiktigi 23 metr bolatyn sarqyrama ornatylady. Saýda ortalyǵynda 300 oryndyq jerasty avtoturaq bolady.
Ǵımarattyń ashylýy turǵyndardyń jáne qala qonaqtarynyń qatysýymen saltanatty jaǵdaıda atap ótildi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy