Elimizde sambo kúresi men dzıýdonyń damýyna erekshe úles qosqan, Qazaqstannyń eńbek sińirgen jattyqtyrýshysy, 130-ǵa tarta Álem, Eýropa, el chempıondary men halyqaralyq jarystardyń jeńimpazdaryn daıyndaǵan Janádil Ataev jaqynda meni Kókpektide turatyn sambodan KSRO-nyń sport sheberi, kúni keshe Marokkoda ótken ardagerler arasyndaǵy Álem chempıonatynda qola júldeger atanǵan Serik Tilepaldınmen tanystyrdy.
- О́zim Kókpekti aýdanyndaǵy Qaraǵandykól degen shaǵyn aýyldyń týmasymyn. Sportpen bala kezden shuǵyldandym. О́skemendegi pedagogıkalyq ýchılıshede bilim alyp júrgende taǵdyr meni ustazym Janádil Ábdiramanulymen jolyqtyrdy. Sóıtip sambo kúresimen myqtap shuǵyldandym. Alǵashqy kezde bes qabatty úıdiń podvalynda jattyqtyq. Aq ter, kók ter bolyp jattyqqan eńbegimiz nátıjesin bere bastady. Sambodan Álemniń eki dúrkin chempıony Erjan Omarbaev, Álem birinshiliginiń kúmis júldegeri Marat Qaraqonov ta Janádil aǵanyń shákirtteri. Men oblystyq, respýblıkalyq jarystarǵa qatysyp, tájirıbemdi shyńdaı tústim. Bapkerimiz qatal, kúnine birneshe saǵat ázirlenetinbiz,-deıdi sol kezdi eske alǵan Serik Asyrandyuly.
Reseıdiń Úrkit, Týla qalalarynda ótken Odaqtyq jarystarda da Serik san márte jeńimpaz atanypty. Quqyq qorǵaý salasynda qyzmet etip, zeınetkerlikke shyqqannan keıin de ol ózi unatatyn sambony tastap ketken joq. Mine, kúni keshe ardagerler arasynda Marokkoda ótken Álem birinshiliginde qola alqany qanjyǵaǵa baılaǵan Sekeń aldaǵy ýaqytta álemdik dodada top jarý úshin jattyǵýlaryn jalǵastyrýda.
- Serik meniń jerlesim. Alpys-taltús deıdi halqymyz. Demek, ol áli jas.Onyń bergeninen bereri kóp. Aýdanda aǵasynyń jolyn qýyp kúresti serik etkender qatary kóbeıýde. Aldaǵy ýaqytta inimizde sáttilik serik bola bersin,-deıdi oblystyq ardagerler keńesiNiń tóraǵasy, qol kúresi men gir sportynan Álemniń birneshe dúrkin chempıony Muqan Aǵzamov.
Ońdasyn Elýbaı,
Jýrnalıst
Shyǵys Qazaqstan oblysy
Kókpekti aýdany.