Shekaralyq yntymaqtastyq aıasynda Reseıdiń Qorǵan, Omby, Túmen oblystary polıseıleriniń qatysýymen birlesken úılestirý tobynyń otyrysy ótti.
Oǵan aımaq basshysy Qumar Aqsaqalov, Ishki ister mınıstrligi ákimshilik polısııa komıtetiniń tóraǵasy, polısııa general-maıory Igor Lepeha, krımınaldyq polısııa departamentiniń bastyǵy, polısııa general-maıory Armanbek Baımýrzın, ǵylym qaıratkerleri Marat Qoǵamov, Aıdarhan Sqaqov, oblys quqyq qorǵaý organdarynyń basshylary men jurtshylyq qatysty.
Otyrysty Q. Aqsaqalov kirispe sózben ashyp, eki el polıseıleriniń tyǵyz qarym-qatynasy óz tıimdiligin berip kele jatqanyn atap ótti. Qylmysqa qarsy kúres salasynda seriktestik qatynastardy nyǵaıtýǵa qosqan úlesi úshin polısııa general-maıory Oleg Ilınyhqa, Iýrıı Altynov pen Leonıd Kolomıeske qurmet gramotalaryn tabys etti.
Soltústik Qazaqstan polısııa departamentiniń bastyǵy, polısııa general-maıory Berik Bilálov atap ótkendeı óńir aýmaǵynda halyqaralyq izdeýde júrgen 24 qylmysker ustalǵan.
Otyrys barysynda 2019 jylǵa arnalǵan qylmysqa qarsy is-qımyl, qoǵamdyq tártipti saqtaý, azamattardyń qaýipsizdigin qamtamasyz etý birlesken is-qımyl jospary qabyldandy. О́zara tájirıbe almasý baǵytynda oqytý semınarlary ótkiziletin boldy.
Is-shara sońynda QR IIM janyndaǵy qoǵamdyq keńestiń tóraǵasy, belgili zańger-ǵalym Marat Qoǵamov SQO PD janyndaǵy konsýltatıvtik-keńesshi organnyń múshelerine Ishki ister mınıstrliginiń gramotalary men alǵys hattaryn tabystady.
О́mir ESQALI,
«Egemen Qazaqstan»
Soltústik Qazaqstan oblysy