Rım men Brıýssel 2019 jylǵa arnalǵan Italııa bıýdjeti boıynsha kelisimge keldi.
Italııanyń premer-mınıstri Djýzeppe Kontege joldanǵan resmı hatta onyń úkimetiniń jańa fıskaldyq sharalary(parlament muny jyl sońyna qaraı qabyldaǵan jaǵdaıda Brıýsseldiń rásimdi iske qosý týraly usynystan bas tartýyna múmkindik týady) Eýrokomıssııa nazarynda ekendigi aıtylǵan.
«Shyndyqty aıtar bolsaq: sheshim minsiz emes. Biraq ol shamadan tys tapshylyqtyń aldyn alýǵa múmkindik beredi. Mundaı sheshim ıtalıandyq bıýdjettiń EO Turaqtylyǵy men Damý paktisine sáıkes emes tustaryn túzetedi», dedi eýro jáne áleýmettik dıalog máseleleri jónindegi eýrokomıssar Valdıs Dombrovskıs.
Qazirgi Úkimet usynǵan Italııa bıýdjetiniń bastapqy nusqasy Brıýsselmen uıǵarylǵan 1,8%-dyń ornyna JIО́-niń 2,4% tapshylyǵymen eseptelgen. Nátıjesinde taraptar 2,04% - ǵa toqtaldy. Sondaı-aq Italııa úkimeti óziniń ósim múmkindigin jyldyq 1,5% - dan neǵurlym bolý múmkindigi joǵary 1% - ǵa deıin tómendetýge, jumyssyzdar men halyqtyń kedeı bóligi úshin bazalyq kiristi eskerip, sondaı-aq zeınetkerlik jasty tómendetýge baılanysty shyǵyn baptaryn tómendetýge kelisti. Sonymen qatar Úkimet osy reformalardan tolyq bas tartqan joq.
Premer-mınıstr Konte qol jetkizilgen kelisimdi ortaq jeńis dep esepteıdi jáne Italııa úkimetiniń tarapynan bolǵan jeńildikke qaramastan ýádelerin de umytpaǵanyn aıtty: «Biz ekonomıkalyq daǵdarysty odan ári qıyndatqan jáne tabystardyń sarqylýyna, tutynýdyń qysqarýyna jáne halyqtyń kóp bóliginiń kedeılenýine ákeletin qatań saıasatty ózgertýdi qalaımyz», - dedi Konte.
2019 jylǵa arnalǵan Italııa usynǵan qosymsha fıskaldyq sharalardyń quny 10,25 mlrd eýrodan sál artyq, biraq EO erejeleriniń qurylymdyq buzylýy da jańartylǵan bıýdjette nólge teńestirildi.
Sońǵy habarlar boıynsha 10 jyldyq ıtalıandyq memlekettik qordyń tabystylyǵy 18 bazıstik pýnktke, ıaǵnı 2,75% - ǵa deıin túsip, úsh aılyq mınımýmdy jańartty. Mılan qor bırjasynyń FTSE MIB ındeksi 1,6% - ǵa kóterildi.
Daıyndaǵan Qarlyǵash QURAMYS,
«Egemen Qazaqstan»