Qostanaı oblysyndaǵy 13 aýdandyq jáne qalalyq polısııa bólimderinde front-ofıster ashylyp, jumysyn bastady. Oblystyq Podısııa departamentiniń baspasóz qyzmeti habarlaǵandaı, olar alǵashynda tehnıkalyq rejımde ǵana jumys istegen edi, jeltoqsan aıynyń basynan bastap, azamattardy qabyldaı bastady. Olardyń ózi de «azamattardy qabyldaý» keńsesi bolyp tabylady. Oblysta jyl aıaǵyna deıin taǵy da úsh faront-ofıs ashylatyn bolady.
Alǵashqy front-ofıs oblystyq polısııa departamentinde ashylǵan bolatyn. Bul qolaıly ǵımaratqa azamattar kelip, aryzdaryn beredi, anyqtamalar alady. Olardyń árqaısysynda jıyrmadan asa memlekettik qyzmetter kórsetiledi.
Aýdandar men qalalarda jumysyn bastaǵan ár front-ofıste qolaıly kútý zaly bar. Mysaly, Rýdnyı qalasyndaǵy front-ofıste búginge deıin 1000 memlekettik qyzmet kórsetildi. Qostanaı oblystyq polısııa departamenti tyldy qamtamasyz etý basqarmasynyń bastyǵy Anatolıı Chýıkonyń aıtýynsha, mundaı qabyldaý ofısteri Elbasy Joldaýlarynda aıtylǵan josparly servıstik modelge ótýge jaǵdaı jasaıdy. Jumysty bulaı jańasha uıymdastyrý azamattardan túsetin aryzdardy qabyldaýdyń móldirligin qamtamasyz etedi. «Azamattardy qabyldaý» keńsesiniń tıimdiligin Ákimshilik polısııasy basqarmasynyń bólim bastyǵy Abzal Bolatov aıtty. Oǵan kún saıyn ondaǵan azamattar keledi. Front-ofıstiń arqasynda azamattardyń aryzyn qabyldaý ýaqyty 10 mınýtqa qysqardy. Muny kelýshiler de baıqap, jaqsy baǵalaryn berýde.
Názıra Járimbet,
«Egemen Qazaqstan»
Qostanaı