Qurlyqtyq hokkeı lıgasynyń (QHL) kezekti týr oıynyn óz muz aıdynynda ótkizgen «Barys» Iаroslavldiń «Lokomotıv» klýbyna ese jiberdi.
Birinshi kezeńde «Barys Arenaǵa» jınalǵan 4 048 kórermen bir ǵana soǵylǵan shaıbanyń kýási boldy. Ol goldy qonaqtardyń oıynshysy Stepan Sannıkov saldy. Úzilisten keıin Roman Starchenko tarazy basyn teńestirgen edi, kóp uzamaı Egor Averın «Lokomotıvti» qaıta alǵa shyǵardy. Úshinshi taımda tabldodaǵy esep ózgergen joq. Osylaısha, bul básekede 2:1 esebimen ıaroslavldik hokkeıshiler jeńiske jetti.
Básekeniń aıaqtalýyna bes mınýt qalǵanda «Barystyń» sapyndaǵy 28 jastaǵy kanadalyq legıoner Patrıs Korme men 23 jastaǵy qonaqtardyń qorǵaýshysy Nıkıta Cherepanovtyń arasynda kıkiljiń shyǵyp, ekeýi bir-birine judyryqtaryn ala júgirdi. Biraq tóbeles uzaqqa sozylmady. Qarsylasyn bir ǵana soqqymen uryp jyqqan Korme onyń betin qanǵa tbaıady.
QHL-dyń turaqty birinshiliginiń jarys kestesinde qazir «Barys» 8-orynda keledi. 39 oıynnan keıin olar 54 upaı jıdy. Endi astanalyq hokkeıshiler óziniń kelesi kezdesýin 24-jeltoqsanda óz aıdynynda Vladıvostoktyń «Admıralyna» qarsy ótkizedi.
Ǵalym SÚLEIMEN,
«Egemen Qazaqstan»