Qyzylorda oblysynyń Polısııa departamenti Tótenshe jaǵdaılar departamentimen birlesip «Pırotehnıka» jedel-profılaktıkalyq is-sharasyn ótkizip jatyr.
Is-shara barysynda jas balalar arasynda jaraqat alýdy boldyrmaý maqsatynda qoǵamdyq tártipti saqtaý boıynsha qyzmetke túsken polısııa jasaqtarynyń, ýchaskelik polısııa ınspektorlarynyń, sondaı-aq mektep ınspektorlarynyń kámeletke tolmaǵandarmen pırotehnıkalyq buıymdardy, onyń ishinde bilim berý mekemeleriniń aýmaǵynda paıdalanýdyń jolyn kesýge erekshe nazar aýdarylyp jatyr.
Jeke tulǵalardyń tynyshtyǵyn, belgilenbegen tártipti buzatyn jáne iri materıaldyq zalal keltirýge ákep soqpaǵan, eldi mekenderde jáne bul úshin bólinbegen oryndarda pırotehnıkalyq buıymdardy qoldaný QR ÁQBtK-niń 436-babynyń 2-bóligine sáıkes, pırotehnıkalyq buıymdar tárkilene otyryp, 20 aılyq eseptik kórsetkish mólsherinde aıyppul salynatyn bolsa, azamattyq pırotehnıkalyq zattardyń jáne olardy qoldanyp jasalǵan buıymdardyń aınalymy salasyndaǵy qyzmet quqyǵyna lısenzııasy bar tulǵalardyń azamattyq pırotehnıkalyq zattardy jáne olardy qoldanyp jasalatyn buıymdardy saqtaý, esepke alý, paıdalaný, tasymaldaý, olarmen saýda jasaý, olardy joıý, ákelý, áketý tártibin buzǵany úshin QR ÁQBtK-niń 483-babynyń 1-bóligimen pırotehnıkalyq zattar tárkilene otyryp, jeke tulǵalarǵa 5, shaǵyn kásipkerlik sýbektilerine nemese kommersııalyq emes uıymdarǵa 10, orta kásipkerlik sýbektilerine 15, iri kásipkerlik sýbektilerine 45 aılyq eseptik kórsetkish mólsherinde aıyppul salýǵa ákelip soǵady. Satýshylarǵa osy jaǵdaı túsindirilýde.
Baqtııar TAIJAN,
«Egemen Qazaqstan»
QYZYLORDA OBLYSY