Memleket basshysy Nursultan Nazarbaevtyń jýyqta jarııalanǵan «Uly dalanyń jeti qyry» maqalasynda: «Búginde tól tarıhymyzǵa oń kózqaras kerek. Biraq qandaı da bir tarıhı oqıǵany tańdamaly jáne konıýnktýralyq turǵydan ǵana sıpattaýmen shektelýge bolmaıdy.
Aq pen qara – bir-birinen ajyramaıtyn uǵymdar. Bular ózara birleskende jeke adamdardyń da, tutas halyqtardyń da ómirine qaıtalanbas reńk beredi» deı otyryp, kópqyrly ári aýqymdy tarıhymyzdy durys túsinip, qabyldaı bilýimiz kerek degen bolatyn.
Osy oraıda joǵarydaǵy Elbasy maqalasynda atap ótilgendeı, ultymyzdyń tarıhı tanymyn tereńdetip, sanasyn jańǵyrtyp, ejelgi mádenı-rýhanı qundylyqtarymyzdy urpaq boıyna sińirý úshin atqarýshy taraptardan birshama ister qolǵa alynyp jatyr. Máselen, ótken apta sońynda elordadaǵy Ulttyq mýzeıdiń uıymdastyrýymen «Ejelgi órkenıetter toǵysyndaǵy Uly dala eli» atty halyqaralyq ǵylymı-tájirıbelik konferensııa bolyp ótti. Atalǵan basqosýǵa elimizdiń jetekshi ǵalym-mamandary men sheteldik sarapshylar qatysyp, Uly dala tarıhyna baılanysty oı-tolǵamdaryn ortaǵa saldy. Osylardyń ishinde, ázerbaıjandyq ǵalym Mahfýza Zeınalovanyń túrki halyqtarynyń tarıhı-mádenı ortaqtastyǵy jaıly aıtqan tujyrymy, Botaı mádenıetin negizdeýshi ǵalym-arheolog Vıktor Zaıbert jáne jas maman Aqan Ońǵarulynyń Uly dala salt attylary týraly jasaǵan baıandamalary kóptiń kóńilinen shyqty.
Atalǵan jıyndy túıindegen tarıh ǵylymdarynyń doktory Madııar Eleýovtiń paıymdaýynsha, bul retki basqosýda talqylaý nysanyna alynǵan taqyrybynda aıtylǵandaı, Uly daladaǵy ejelgi órkenıetterdi saraptaýdyń basty baǵyttary aıqyndaldy, sonymen qatar memleketaralyq turǵydan istelýi qajet keıbir jumystardyń jospary naqtylanypty.
Ulttyq mýzeı ujymy buǵan deıin «Altyn adamnyń álem mýzeılerine sherýi» atty úlken jobanyń qorytyndysyn jasaǵan bolatyn. Bul basqosý sol sharanyń jalǵasy ispettes. О́ıtkeni aldaǵy jyly Elbasynyń maqalasy boıynsha aýqymdy jumystar josparlanyp, olardy júzege asyrýdyń tetigi qalanbaq. Sol sebepti búgingi konferensııany alda atqarylar keleli istiń keńesi dese de bolady.
Beken QAIRATULY,
«Egemen Qazaqstan»