Almatydaǵy Qabyldaý úıinde Qazaqstan Respýblıkasy Prezıdentiniń atynan Jańa jyldyq shyrsha ótti. Merekelik shyrshaǵa balalar úıleriniń 200-den astam tárbıelenýshileri, erekshe qamqorlyqty qajet etetin baldyrǵandar, kópbalaly jáne turmysy tómen otbasylardyń balalary qatysty. Memleket basshysy óziniń vıdeoúndeýinde kishkentaı almatylyqtardy alǵashqy bolyp quttyqtady.
«Búgingi Jańa jyldyq shyrsha aınalasyna bizdiń úlken ári tatý elimizdiń balalary jınaldy. О́tip bara jatqan jylda senderdiń barlyǵyń bilim aldyńdar, sporttyq jarystarda jetistikterge jettińder, túrli konkýrstarda jeńimpaz atandyńdar. Senderdiń árqaısylaryń budan da bıik shyńdarǵa qulash sermedińder. Bul asyl qasıet senderdiń ǵana emes, barsha Qazaqstannyń kúsh-qýatyn arttyrady. Qymbatty balalar, Jańa jylda da senderdiń barlyq nıet-tilekteriń men armandaryń oryndalsyn», - dep atap ótti óziniń quttyqtaýynda Nursultan Nazarbaev.
Memleket basshysynyń atynan balalarǵa syılyqtar salynǵan arnaıy sómkeler berildi, onyń ishinde qysqy kıimder, keńse taýarlarynyń jıyntyǵy, planshetter, oıynshyqtar men táttiler bar.
Merekelik sharaǵa ertegiler keıipkerleri Aıaz Ata men Aqsha qar, «Ismer» ansambli, «KeshYou» toby, sırk artısteri, Murat Muturǵanovtyń shoýy men X-Faktor jobasynyń fınalısteri jáne basqa da ónerpazdar qatysty.
Arman OKTIаBR,
«Egemen Qazaqstan»
ALMATY