Bul týraly О́ńirlik kommýnıkasııalar qyzmetinde ótken baspasóz konferensııada oblystyń qoǵamdyq densaýlyq saqtaý departamentiniń basshysy Nursulý Berkimbaeva málimdedi.
Spıkerdiń aıtýynsha, oblystaǵy epıdemıologııalyq jaǵdaı turaqty, qoǵamdyq tamaqtaný kásiporyndarymen, sýmen qamtamasyz etý obektilerimen baılanysty ınfeksııalyq aýrýlar men taǵamnan ýlaný jaǵdaılary tirkelgen joq.
«Jyl basynan beri menıngokokkty ınfeksııanyń 6 jaǵdaıy tirkeldi, onyń ishinde 4 jaǵdaı 14 jasqa deıingi balalar arasynda oryn aldy. Barlyq jaǵdaı emdeldi. Tumaý aýrýshańdyǵy 1,5 esege, turǵyndar arasynda týberkýlez aýrýshańdyǵy 12,1%, sonyń ishinde balalar arasynda 39,3% - ǵa, jasóspirimder arasynda 21,7% - ǵa tómendedi. Aqtóbe qalasy men 12 aýdanda saýyqtyrý jáne ımmýnıtetti kóterý maqsatynda táýlik boıy kún tártibimen qyzmet etetin sanatorlyq toptar jumys jasaıdy. Týberkýlez aýrýyn erte anyqtaý jáne onyń aldyn alý maqsatynda 121 myńnan astam balaǵa mantý synamasy qoıyldy, BSJ vaksınasııasy 17 myńnan astam jańa týǵan balaǵa júrgizildi» - dedi, Nursulý Berkimbaeva.
Sonymen qatar, 2018 jyly sanıtarlyq-epıdemıologııalyq saraptama júrgizý úshin mekeme mamandary 3327 azyq-túlik ónimderiniń, balalar men jasóspirimderge arnalǵan taýarlardyń, balalar oıynshyqtarynyń jáne basqa da halyq tutynatyn taýarlardyń synamalaryn iriktep zerttedi, onyń ishinde 457 synama tehnıkalyq reglament talaptaryna sáıkes kelmedi. Zerttelgen 2671 tamaq ónimderiniń 350 synamasy, negizinen, taýardyń tańbalanýyna, mıkrobıologııalyq jáne fızıkalyq-hımııalyq kórsetkishterge baılanysty talaptarǵa sáıkes kelmedi. Tamaq ónimderinen sáıkessizdik boıynsha 55% RF, Belarýs, Qyrǵyzstan jáne t.b elderden anyqtaldy.
Júrgizilgen monıtorıng boıynsha jeke kásipkerlerge 115 buzýshylyqtardy joıý týraly uıǵarym berildi, 700 kg astam tamaq ónimderi, 19 kg balalar oıynshyqtary men taýarlary satylymnan alynyp, joıyldy.
«Erekshe tártip boıynsha 1110 nysan tekserildi, sanıtarlyq talaptardy buzǵany úshin 45 mln. teńgege 1234 ákimshilik quqyq buzýshylyq týraly qaýly shyǵaryldy, 1 nysannyń qyzmeti toqtatyldy, 389 adam jumystan ýaqytsha shettetildi» - dep, qorytyndylady departament basshysy.