1 jyldyń ishinde «Sátti Juldyz» Ulttyq lotereıa operatory qazaqstandyqtarǵa 1 mıllıardtan astam utys tóledi. Shamamen 900 000 qazaqstandyq aqshalaı utys ıegerleri atandy.
«Biz lotereıa oıyndaryn osy jyldyń naýryz aıynda iske qostyq. 2017 jyldyń qyrkúıek aıynan bastap testilik rejimde lezdik lotereıa oıyndary áreket etti. Osy ýaqyt aralyǵynda biz 1 mıllıard teńgeni quraıtyn utys tóledik. Bul tek bastamasy ǵana, kelesi jyly bul soma birneshe ese ulǵaıatynyn aıta alamyn. Osy jylǵy eń iri utys 24,5 mıllıon teńgeni quraıdy, oǵan Qaraǵandy qalasynyń turǵyny ıe boldy. Biz Ulttyq lotereıa operatory retinde aldymyzǵa lotereıa mıllıonerleriniń sanyn arttyrý maqsatyn qoıdyq», – dep málimdedi «Sátti Juldyz» AQ prezıdenti Aleksandr Ten.
«Sátti Juldyz» statıstıkasyna júginer bolsaq, utystardyń eń kóbi Almaty oblysyna keledi, odan keıin Aqmola oblysy, Túrkistan jáne Qaraǵandy oblystary ornalasqan. Uıymdastyrýshylar muny osy oblystarda turatyn adam sanymen baılanystyrady.
Aıta ketetin jaıt, búgingi kúni qazaqstandyqtarǵa 4 tırajdyq lotereıa usynylady:
Keno – kún saıyn 10 mıllıon teńge utyp alýǵa bolady;
777 – 50 000 teńge utyp alýǵa bolatyn eń ońaı oıyn;
Loto 6/49 – ár sársenbi saıyn 20 mıllıon teńgeden bastalatyn Sýperjúlde oınatylady;
TeleBingo – ár apta saıyn mıllıoner tabylatyn osy jyldyń eń kópten kútken oıyny. Oıynnyń birinshi taralymy 22 jeltoqsanda ótti.
Sonymen birge Jomart 3, 777, 3 Almaz sekildi lezdik lotereıalardan baq synap kórýge bolady. Olardan sáıkesinshe 1 000 000, 2 000 000 jáne 3 000 000 utyp alýǵa bolady. Aleksandr Tenniń aıtýy boıynsha, 2019 jylǵa iri utystary bar jańa oıyndardyń iske qosylýy josparlanǵan.