Kenshiler astanasynda Prezıdent shyrshasy merekesi uıymdastyrylyp, oǵan oblystaǵy balalar úıleri men ınternattardyń tárbıelenýshileri, az qamtylǵan jáne kópbalaly otbasylardyń balalary, sonymen qatar oqýda, shyǵarmashylyqta jáne sportta jetistikterge jetken 180 oqýshy qatysty.
Qaraǵandylyq balaqaılarǵa Elbasy Nursultan Nazarbaev beınequttyqtaý joldady.
– Eńbekqorlyq pen izdenimpazdyq sizderge barlyq bastamalarda kómegin tıgizedi. Árdaıym denderińiz saý jáne myqty bolyńyzdar, jańa belesterdi baǵyndyrýǵa jańa tehnologııalardy meńgerýge, bilim alýǵa talpynyńyzdar. О́z ata-analaryńyzdyń, muǵalimder men tárbıshilerińizdiń qoldaýyn baǵalańyzdar. Jańa jylda barlyq armandaryńyz oryndalsyn dep tileımin, – dedi Prezıdent.
Sonymen qatar Prezıdent shyrshasyna qatysý baqytyna ıe bolǵan balalardy Qaraǵandy oblysynyń ákimi Erlan Qoshanov ta quttyqtady.
– Biz sizderge úmit artamyz. Sizderdiń barlyqtaryńyz bilimdi, bilikti adamdar, óz elin súıetin jáne Qazaqstandy búkil álemge tanymal etetin jastar bolatyndaryńyzǵa kúmánimiz joq. Al biz bolsaq, sizderdiń tabystaryńyzdy maqtan tutatyn bolamyz, – dedi óńir basshysy.
Prezıdent shyrshasy merekesinde balalarǵa Elbasynyń atynan syılyqtar tapsyryldy. Olar kitaptar jáne tátti syılyqtarmen qosa, 50 myń teńgeniń sertıfıkattary men sporttyq sómkelerge ıe boldy.
Qaırat ÁBILDA,
«Egemen Qazaqstan»
Qaraǵandy