Kenshiler astanasynda qoǵamdyq kólikterge elektrondyq bıletteý júıesi qoıyla bastady. Testilik rejımde jumys isteıtin alǵashqy valıdatorlar №118-shy marshrýttaǵy avtobýstarǵa qoıyldy.
– Qazir №118-shi marshrýttaǵy avtobýstarda bir-bir termınaldan ornatyldy jáne júrgizýshige planshet berildi. Taǵy da 200-ge tarta termınal kedendik rásimdeýden ótýde, sebebi olar Koreıadan jetkiziledi. 2019 jyldyń qańtarynda termınaldardy barlyq marshrýttarǵa ornatý bastalady. Ol jumystar úsh aı ýaqytty qajet etedi. Elektrondyq kartalar dúńgirshekter men dúkenderdiń barlyǵynda satylatyn bolady. Olardy toltyrýǵa qatysty esh qıyndyqtar týyndamaıdy, – dedi qala ákimdiginiń jolaýshy kóligi sektorynyń meńgerýshisi Eskendir Qabıdolla.
Qaraǵandyda jolaýshy tasymaldaý marshrýttarynda 600-ge jýyq avtobýs turǵyndarǵa qyzmet kórsetedi. Elektrondyq bıletteý júıesi jeke ınvestor esebinen engiziledi.
2019 jyldyń qańtarynan bastap elektrondyq termınaldardy Qaraǵandydaǵy jolaýshy tasymalymen aınalysatyn qoǵamdyq kólikterdiń barlyǵyna ornatý josparlanǵan.
Qaırat ÁBILDA,
«Egemen Qazaqstan»
Qaraǵandy