Qazaqstannyń kásipqoı boksshysy Jánibek Álimhanuly óziniń kelesi jekpe-jegin 2019 jyldyń 2 aqpanynda AQSh-tyń Tehas shtatyndaǵy Frısko qalasynda ótkizedi. Al onyń naqty kimmen judyryqtasatyny kelesi aptada belgili bolady.
Áýesqoılar arasynda álem jáne Azııa chempıony, Azııa oıyndarynyń jeńimpazy atanǵan 25 jastaǵy qazaq boksshysy kásipqoı rıngtegi alǵashqy eki jekpe-jegin Qazaqstanda ótkizgen bolatyn. 2016 jyldyń qazan aıynda Almatyda kolýmbııalyq Nýnes Mıltondy birinshi raýndta uryp shyqsa, 2017 jyldyń qyrkúıeıeginde Astanada brazılııalyq Jılbertý Pereıra dos Santosty upaı sanymen utty.
Odan keıin Jánibek muhıt asyp, Amerıkaǵa attandy. AQSh-ta ol atyshýly Bob Arým jetekshilik etetin áıgili Top Rank promoýterlik kompanııasymen kelsimshartqa otyrdy. Sol kezden beri taǵy eki kezdesý ótkizip, ekeýinde de jeńiske jetti. Qandasymyz tájirıbeli Karlos Galvan (Kolýmbııa) men Aleksander Vonnan (AQSh) basym tústi. Álimhanulynyń endigi armany – eń beldi nusqalar boıynsha ózi óner kórsetetin ekinshi orta salmaq dárejesinde álem chempıony ataǵyn ıelený.
Ǵalym SÚLEIMEN,
«Egemen Qazaqstan»