Munan bylaı Túrkistan oblysy men Shymkenttegi 17 salalyq kásipodaq birigip, 2052 bastaýysh kásipodaq uıymdarynyń 217 myńnan astam kásipodaq músheleriniń quqyqtary men múddelerin qorǵaıdy. Bul týraly aýmaqtyq kásipodaq uıymdary ótkizgen brıfıngte «Túrkistan oblysy jáne Shymkent qalasy kásipodaqtar ortalyǵy» aýmaqtyq kásipodaqtar birlestiginiń tóraǵasy Berik Bekjanov málimdedi.
«Negizgi jumysymyzdyń biri – jumyskerler múddelerin jáne quqyqtaryn qorǵaý, olardyń áleýmettik máselelerin sheshý, jumyskerlerdiń eńbek jaǵdaılaryn jaqsartý bolyp tabylady. Túrkistan oblysy men Shymkent qalasy boıynsha statıstıkalyq málimetke júginsek, jumys istep turǵan 13702 kásiporynnyń 5725-inde ujymdyq shart jasalsa, 7977-sinde álige deıin shart jasalmaǵan», deıdi Berik Bekjanov.
Bıyl Túrkistan oblysy jáne Shymkent qalasy boıynsha kásiporyndar men uıymdarda 101 óndiristik jazataıym oqıǵalar oryn alyp, onyń saldarynan 122 jumysker zardap shekken. Onyń ishinde, 22-i qaıtys bolyp, 51-i aýyr jaraqat alǵan. Al 49-y jeńil jaraqattanǵan. Oryn alǵan 101 óndiristik jazataıym oqıǵalardyń 28-ine eńbek ınspeksııasymen birlese zertteý jumystary júrgizilgen. Qalǵan mekemelerde kásipodaq bolmaýyna baılanysty zerdeleýge qatysýǵa múmkindik bolmaı otyr. Osyǵan oraı, kásipodaq qurylmaǵan mekemelerde bastaýysh kásipodaq uıymdaryn ashý jáne olarǵa músheler tartý jumystary júrgizilýde. Osy baǵytta jańadan 41 bastaýysh kásipodaq uıymy ashylyp, oǵan 3079 múshe tartyldy.
Túrkistan oblysy men Shymkent qalasy ákimdiginde áleýmettik áriptestik pen áleýmettik jáne eńbek qatynastaryn retteý jónindegi úshjaqty óńirlik komıssııalar quryldy.
Azamattardyń jalaqy qaryzdaryn sheshý máseleleri áleýmettik áriptestik pen áleýmettik jáne eńbek qatynastaryn retteý jónindegi (úshjaqty) Túrkistan oblystyq jáne Shymkent qalalyq komıssııasynda qaralyp, tıisti jumystar júrgizildi.
Shymkent qalasy boıynsha jalaqy qaryzdardy joıý jóninde úshjaqty komıssııa júrgizgen jumystardyń nátıjesinde 4 mekeme qaryzdaryn japqan. Al, 2 mekeme bankrot dep tanylǵan. Búginge 6 mekemede 910 jumyskerdiń aldynda 143,4 mln. teńge jalaqy qaryzy qalyp otyr.
Shymkent qalasynda 10 mekemeniń 1294 jumyskerge 192 mln. 892 myń teńge jalaqy qaryzy bolǵan. Qalǵan 6 mekeme 910 jumyskerdiń aldynda 143,4 mln. teńge qaryz bolyp otyr. Olar jeke-jeke «Kompanııa ZALI (ZALI)» JShS-i 722 jumyskerge 92,3 mln. teńge, «KAZMEDPRIBOR HOLDING» JShS-i 132 jumyskerge 26,7 mln.teńge, «О́rken» JShS-i 9 jumyskerge 10,6 mln. teńge, Shymkent Gaz Montaj QMB» AQ 11 jumyskerge 4,1 mln. teńge, JK «Ermekova R.Ý.» 27 jumyskerge 6,064 mln. teńge, «Sa-Farı» JShS 9 jumyskerge 3,66 mln. teńge qaryz bolyp otyr.
Al, Túrkistan oblysy boıynsha 2 mekeme qaryzyn japqan. 73 jumyskerdiń aldynda 43 mln.735 myń teńge jalaqy qaryz 2 mekeme bolsa, 82 jumyskerge 126 mln. 667 myń 758 teńge jalaqy qaryzy bar 4 mekeme tur. Jalpy 2 mekeme 73 jumyskerdiń aldynda 43 mln. 735 myń teńge jalaqy qaryzy qalyp otyr. Olar: Saıram aýdanyndaǵy «STARTUS-OIL» JShS-i 67 jumyskerge 42 mln. 935 myń teńge, Arys qalasyndaǵy «Spes Atom Servıs» JShS-i 6 jumyskerge 800 myń teńge qaryz.
Sondaı-aq, jumyskerlerdiń densaýlyǵyn jaqsartý maqsatynda bıyl tamyz aıynda Kásipodaqtar ortalyǵy janynan «PROFTÝR» týrızm ortalyǵy qurylǵan. Sonan beri «Merke», «Jańaqorǵan», «Mankent», «Arman» shıpajaılaryna jalpy sany 15 joldama berilipti.
QR Joǵarǵy Sotymen jáne QR Kásipodaqtar Federasııasymen jasalǵan Memorandýmyn júze asyrý maqsatynda osy jyldyń 28 tamyzynda Tatýlastyrý ortalyǵy quryldy. Onda kásibı medıatorlardyń kezekshilik kestesi qurylyp, 7 medıator kezekpen jumys isteýde.
Nurshat TО́KEN,
«Egemen Qazaqstan»