Elbasy Nursultan Nazarbaevtyń Qaýlysymen memlekettik basqarý júıesin odan ári jetildirý maqsatynda Indýstrııa jáne ınfraqurylymdyq damý mınıstrligi quryldy. Bul týraly Aqordanyń baspasóz qyzmeti habarlady.
Osyǵan baılanysty Investısııalar jáne damý mınıstrligi ınvestısııalardy tartý jónindegi memlekettik saıasatty qalyptastyrý salasyndaǵy mindetin Ulttyq ekonomıka mınıstrligine, ınvestısııalardy tartý jónindegi memlekettik saıasatty iske asyrý salasyndaǵy fýnksııalary men ókilettikteri Syrtqy ister mınıstrligine berilmek.
Qaýlyǵa sáıkes, Syrtqy ister mınıstrligi eksportty ilgeriletý salasyndaǵy qyzmetti úılestirýge jaýapty. Sondaı-aq memlekettik organdar beriletin fýnksııalar men ókilettikterge sáıkes qaıta uıymdastyrylatyn memlekettik organnyń quqyqtary men mindettemeleriniń quqyqtyq mırasqorlary bolyp belgilendi.
Budan bólek, Úkimet Investısııalar jáne damý mınıstrliginiń Investısııalar jónindegi komıtetin Qazaqstan Respýblıkasy Syrtqy ister mınıstrliginiń qaramaǵyna beredi. Sonymen qatar Syrtqy ister mınıstrligine «Kazakh Invest» ulttyq kompanııasy» aksıonerlik qoǵamynyń aksııalar paketin ıelený jáne paıdalaný quqyqtaryn tapsyrady.