Premer-Mınıstr Baqytjan Saǵyntaev Qorǵanys jáne aeroǵarysh ónerkásibi mınıstrliginiń ujymyna jańa mınıstrdi tanystyrdy, dep habarlady Premer-Mınıstrdiń baspasóz qyzmeti.
Memleket basshysynyń Jarlyǵymen A.Jumaǵalıev Premer-Mınıstrdiń orynbasary – qorǵanys jáne aeroǵarysh ónerkásibi mınıstri bolyp taǵaıyndaldy. О́z kezeginde B.Atamqulov Syrtqy ister mınıstri bolyp taǵaıyndaldy.
Baqytjan Saǵyntaev B.Atamqulovqa mınıstrliktiń qurylǵan ýaqytynan bastap eki jyl ishinde atqarylǵan nátıjeli jumys úshin alǵys bildirip, jańa orynda sáttilik tiledi. B. Atamqulov basshy bolyp taǵaıyndalǵan Syrtqy ister mınıstrligine Elbasy memlekettik saıasatty iske asyrý salasynda ınvestısııalardy tartý boıynsha jańa mindetter júktegen.
Premer-Mınıstr tanystyrý barysynda A.Jumaǵalıevtiń túrli jaýapty basshylyq laýazymdardaǵy úlken tájirıbesin aıtyp, aldaǵy eńbekte tabys tiledi. A.Jumaǵalıev Aqparattandyrý jáne baılanys agenttiginiń tóraǵasy, Baılanys jáne aqparat mınıstri, Kólik jáne kommýnıkasııalar mınıstri, túrli kompanııalardyń basshysy bolyp qyzmet atqarǵan.