Halyqaralyq dzıýdo federasııasy 2018 jyldy qorytyndylap, balýandardyń reıtıngin jańartty. Jańarǵan tizimde dzıýdoshylarymyzdyń nátıjeleri jaman emes. Eki balýanymyz úzdik 10 dzıýdoshynyń qataryna engen.
60 kılodaǵy qos balýanymyz Ǵusman Qyrǵyzbaev pen Eldos Smetov 6-7 oryndy bólisip tur. Erlan Serikjanov (66 kılo) pen Eldos Jumahanov ta (66 kılo) bir-birimen irgeles tur. Serikjanov 10-oryndy, Jumahanov 11-oryndy ıemdenýde. Rıo Olımpıadasyna 66 kıloda qatysqan Jansaı Smaǵulov qazirgi tańda 73 kılo salmaqtyń reıtınginde 10-orynǵa jaıǵasqan. Al taǵy bir Olımpıadaǵa qatysýshy Dıdar Hamza (81 kılo) 14-satyǵa taban tirese, 90 kılo salmaqtaǵy Islam Bozbaev jyldy 9-orynmen qorytyndylady. Sondaı-aq Vıktor Demıanenko (-100 kılo) 38-shi, Erasyl Qajybaev (+100 kılo) 23-shi orynda.
Halyqaralyq dzıýdo federasııasy bekitken ereje boıynsha, 2020 jylǵy Olımpııa oıyndaryna ár salmaqtaǵy úzdik 18 sportshy qatysady.
Álı BITО́RE,
«Egemen Qazaqstan»