Qazaqstannyń kásipqoı boksshysy Jánibek Álimhanuly óziniń kelesi jekpe-jegin 2019 jyldyń 2 aqpanynda AQSh-tyń Tehas shtatyndaǵy Frısko qalasynda ótkizedi. Al onyń naqty kimmen judyryqtasatyny ázirshe belgisiz.
AQSh-taǵy áıgili promoýter Bob Arým jetekshilik etetin Top Rank promoýterlik kompanııasymen kelisimshartqa otyrǵan otandasymyz búginge deıin muhıttyń arǵy betinde eki jekpe-jek ótkizip úlgerdi. Alǵash tájirıbeli Karlos Galvandy (Kolýmbııa) jeńse, qazirshe sońǵy jekpe-jeginde Aleksandr Vonnan (AQSh) basym tústi. 2 aqpanda ótetin kezdesý Álimhanuly úshin AQSh-taǵy úshinshi aıqas bolmaq.
Aıta keteıik, áýesqoı bokstaǵy álem chempıony Jánibek Álimhanuly AQSh-ta jekpe-jek ótkizbeı turyp, elimizde eki kezdesý ótkizgen bolatyn. Onyń bireýin tehnıkalyq nokaýtpen jeńse, bireýinde upaı sany boıynsha qarsylasynan basym túsken. Osylaısha, Jánibek kásipqoı boksta 4 kezdesý ótkizip, barlyǵynda jeńiske jetti. Álemdik reıtıngte 110-orynda keledi.
Álı BITО́RE,
«Egemen Qazaqstan»