Etti eksportqa shyǵarý jospary 25% -ǵa artyq oryndaldy. Bul týraly QR Aýyl sharýashylyǵy mınıstrliginiń ókilderi «Aýyl sharýashylyǵynyń negizgi salalaryndaǵy bir jyldaǵy nátıjeler: mal sharýashylyǵy, ósimdik sharýashylyǵy» atty tapqyrypta ótken brıfıngte málimdedi, dep habarlaıdy Aýyl sharýashylyǵy mınıstrliginiń baspasóz qyzmeti.
21-jeltoqsandaǵy málimetke súıensek, et eksportynyń kólemi 18,8 myń tonnany quraǵan. Al josparlanǵan kólem 15 myń tonna. Syrtqa shyǵarylǵan ettiń teń jartysy Túrkistan oblysyna tıesili. Salystyrmaly túrde aıtatyn bolsaq, 2017 jyly eksportqa shyqqan ettiń kólemi 5,5 myń tonnany quraǵan.
Aǵymdaǵy jyldyń ekinshi jartsynan shaǵyn jáne orta sharýashylyqtarǵa negizdelgen «Etti mal sharýashylyǵyn damytý» baǵdarlamasyn iske asyrý bastalyp ketti. Ony júzege asyrý úshin arnaıy jeńil nesıe berýdi qarastyratyn «Sybaǵa» baǵdarlamasy bastaý aldy. Jumys jyldyń ekinshi jartsynda bastalǵanymen belgilengen mejeden artyq oryndaldy. Búgingi tańda 700 fermer nesıe aldy.
Sharýashylyqtardyń iri qar mal satyp alý boıynsha jyldyq jospary 50,0 myń bas. 11 aıda 67 myń basqa ótinim qabyldanyp, 55 myń bas malǵa berilgen ótinim qabyldanyp, nesıe berilgen. Sondaı-aq «Altyn asyq» baǵdarlamasy boıynsha 170 myń bas qoı satyp alynǵan.
Analyq maldy asyldandyrý boıynsha jospar 1,0 mln.bas. Búgingi tańda asyldandyrýǵa 977 myń bas mal (98%) qatysyp otyr.
Qazaqstanǵa 14,5 myń bas iri qara ákelingen. Az ýaqyt mal ákelýde kidiris boldy (shilde-jeltoqsan), oǵan sebep ımporttaýshy elderdiń epızootııalyq jaǵdaıy.
Oblystyq aýyl sharýashylyǵy basqarmalarynyń málimeti boıynsha, 2018 jyly 15,1s/ga astyq ónimdiliginen 22,8 mln.tonna bıdaı jınaldy. Jalpy astyq kólemi ótken jyldan 760 myń tonnaǵa nemese 3%-ǵa artyq, astyq ónimdiligi 0,6 s/ga nemese 4%.
Qııar baǵasyna qatysty aıtatyn bolsaq, spıkerler bıylǵy jyly qııar egý kólemi 2,5 myń gektarǵa artqan, jalpy ónim kólemi 460 myń tonnany qurady, bul ótken jyldan 50 myń tonnaǵa artyq. Ishki naryqtaǵy suranys 480 myń tonnany qurap otyr.
Kókónis baǵasynyń kúrt ósýi kúnniń merzimine baılanysty. Sonymen qatar, joǵaryda kórsetilgen sebepten bólek azyq-túlik taýarlary baǵasynyń ósýi – taýarlardyń jáne ónimniń baǵasynyń artýyna tikeleı áser etedi (janar-jaǵarmaı, elektrqýaty, kommýnaldyq qyzmet).
Áleýmettik mańyzy bar azyq-túlik taýarlarynyń baǵasyn turaqtandyrý maqsatynda óńirler azyq-túlik ónimderine óńirlik turaqtandyrý qorlaryn quryp jatyr, Qazaqstannyń 5 iri qalalarynda kóterme jáne bólshek saýda ortalyqtary qurylysy júrgizilýde.