Oral qalasynda Batys Qazaqstan oblysy Qazaqstan halqy Assambleıasy jańa jyl qarsańynda dástúrli «Qaıyrymdylyq kerýenin» uıymdastyryp, 70 otbasyna syılyq taratty.
Bul shara respýblıkalyq «Qaıyrymdylyq kerýeni» aksııasy aıasynda uıymdastyrylyp otyr. Oraldaǵy «Dostyq úıi» aldynan bastaý alǵan kerýenge sát sapar tilegen Batys Qazaqstan oblysy ákiminiń orynbasary Ǵabıdolla Ospanqulov sharaǵa qatysýshylardy Jańa jylmen quttyqtap, bul istiń mańyzdylyǵyn atap ótti.
Aıta keteıik, aksııa aıasynda Oral qalasynyń az qamtylǵan jáne qamqorlyqqa muqtaj 70 otbasyna qoldaý kórsetildi. Batys Qazaqstan oblysy ákimi apparatyna qarasty «Qoǵamdyq kelisim» mekemesi qyzmetkerleri, «Jańǵyrý joly» jastar qozǵalysy eriktileri jáne Aıaz ata men Aqshaqar otyrǵan 5 «GAZel» avtokólik kerýeni jergilikti mesenattardan jáne qarapaıym qala turǵyndarynan jınalǵan jańajyldyq syılyqty qamkóńil jandarǵa taratty.
Qazbek QUTTYMURATULY,
«Egemen Qazaqstan»
Sýretti túsirgen Rafhat HALELOV
Batys Qazaqstan