Aıagóz qalasynda Jańa jyl merekesi qarsańynda jalǵyz basty qarttar men 18 jastan asqan múmkindigi shekteýli azamattarǵa Aıagóz aýdany ákimdiginiń aýmaqtyq áleýmettik kómek kórsetý ortalyǵynyń uıymdastyrýymen «Arý ana» meıramhanasynda dastarhan jaıyldy.
Qamkóńil jandarǵa jańajyldyq kóńil kúı syılaý maqsatynda ótkizilgen sharada syılyqtar taratylyp, konserttik baǵdarlama uıymdastyryldy. Aq jaýlyqty analar men aqsaqaldar án aıtyp, bı bılep, Aıaz ataǵa óz ónerlerin pash etipti. «Jańa jyldyq merekeni basqa jerde ótkizýdi jón dep sheshtik. Sebebi, bizdiń ortalyqqa qaraıtyndardyń kóbi mundaı jerlerge bara bermeıdi. Múmkindigi shekteýli azamattardy qoǵamǵa beıimdeý basty mindetimiz bolǵandyqtan osyndaı úlgidegi jumystar qajet-aq» deıdi Aıagóz aýdany ákimdiginiń aýmaqtyq áleýmettik kómek kórsetý ortalyǵynyń dırektory Almagúl Bolatbekqyzy.
Azamat QASYM,
«Egemen Qazaqstan»
Shyǵys Qazaqstan oblysy,
Aıagóz qalasy