26 qańtarda Sheshenstannyń astanasy – Groznyıda erejesiz jekpe-jekten ASA (buryńǵy ASV) týrnıri ótedi. Bul jarysta Qazaqstannyń qos sportshysy kúsh synasady.
Sheshenstanǵa attanǵaly otyrǵan jerlesterimizdiń esimderi jankúıerlerge jaqsy tanys. Máselen, Evgenıı Egemberdıev kezinde bokspen aınalysyp, jastar arasyndaǵy álem birinshiliginiń kúmis júldegeri atandy. Eresekter arasyndaǵy el chempıonatynda birneshe márte júldeli oryndardy ıelendi. Sodan keıin Tarazdyń túlegi erejesiz jekpe-jekke aýysyp, Almatyda irgetasy qalanǵan «Alash Praıd» klýby sapynda óner kórsetýde. Evgenıı 33 jasta. Onyń boıy – 188 santımetr, salmaǵy – 93 kılo. Osy kúnge deıin otandasymyz 9 kezdesý ótkizip, 8 ret jeńiske jetti.
Groznyıda Evgenıı Egemberdıev Bartaz Agnaevpen aıqasady. Ol Soltústik Osetııanyń týmasy. Osy kúnge beıin Bartaz 5 márte aıqas alańyna shyǵyp, 4 ret jeńis toıyn toılady. Onyń boıy – 193 santımetr, salmaǵy – 93 kılo. Kezinde Agnaev Tıago Sılva, Maks Nýnes, Dovletdjan Iаgshımýradov syndy sańlaqtarmen kúsh synasqan.
66 kılo salmaqtaǵy aavlodarlyq Fanıl Rafıkov 13 jekpe-jek ótkizip, 12 ret basymdyq tanytty. Onyń qarsylasy – Álıhan Sýleımanov. Sheshenstannyń sportshysy 10 kezdesý ótkizip, 8 ret jeńiske jetti.
Ǵalym SÚLEIMEN,
«Egemen Qazaqstan»