Elbasy jyl qorytyndysy boıynsha BAQ ókilderine bergen suqbatynda bıylǵy jyldyń mańyzdy oqıǵalaryn atap ótti.
«2018 jyldyń basynda BUU Qaýipsizdik Keńesinde tóraǵalyq ettik. Sonymen qatar bıyl AQSh-tyń prezıdentimen kezdesý ótkizip, kelissózder júrgizdik. Esterińizde bolsa, Ortalyq Azııa basshylarynyń basyn qostyq. Mundaı oqıǵa buryn sońdy bolmaǵan edi. Bul kezdesý endi jyl saıyn ótetin bolady. Orta Azııa elderiniń basyn qosatyn mańyzdy jıyn kelesi jyly Tashkent qalasynda ótedi», dedi Prezıdent.
Sondaı-aq Elbasy VI Álemdik jáne dástúrli dinder kóshbasshylarynyń sezin atap ótti.
«Qazaqstan bıyl álemdik jáne dástúrli dinder kóshbasshylarynyń basyn qosty. Bul jıynda álem boıynsha ózekti din máselesi jan-jaqty talqylandy. Basqosý barysynda kóptegen kókeıkesti suraqtar óz sheshimin tapty. Kelesi sezd 2021 jyly bizdiń elde ótetin boldy», dedi Memleket basshysy.
Budan soń, Nursultan Nazarbaev Aral forýmy men Kaspıı sammıtin sóz etti.
«Bıyl Aral forýmy men Kaspıı sammıtin joǵary deńgeıde ótkizdik. Bul sammıt Kaspıı mártebesin eseleı tústi. 20 jyl boıy osyndaı mańyzdy jıynnyń ótýine eńbek ettik. Nátıjesinde Kaspıı konvensııasyna qol qoıyldy. Kaspıı teńizi kórshiles elderdiń arasyndaǵy yntymaqtastyq pen aradaǵy qarym-qatynasty nyǵaıta tústi», dedi Elbasy óz sózinde.