Memleket basshysy Nursultan Nazarbaev Aqordada ótken buqaralyq aqparat quraldary ókilderimen ótkizgen qorytyndy suhbatta Eýrazııalyq ekonomıkalyq odaqqa ortaq valıýta engizý máselesi týraly aıtyp berdi.
«Eýrazııalyq ekonomıkalyq odaqqa múshe memleketterdiń basshylary kezdesýinde ortaq valıýta engizý týraly másele kóterilgen de emes, ony talqylaǵanymyz da joq. Bálkim, keıbireýler Eýropa odaǵynda sekildi eýro engizýdi qalaıtyn shyǵar. Munyń tıimdi tustary bar. Alaıda oǵan áli erte», dedi Elbasy.
Sonymen qatar Prezıdent ortaq valıýtanyń qashan engizilýi múmkin ekenine toqtaldy.
«Ortaq valıýta engizý úshin uıymǵa múshe memleketterdiń ekonomıkasyn bir-birine saı deńgeıge jetkizý qajet. Ol úshin tepe-teń jaǵdaı jasalyp, memleketterdiń ekonomıkalary bir-birine jeteqabyl bolýy tıis. Sondaı-aq EEO-qa múshe memleketter ortaq valıýta engizýge biraýyzdan kelisýi qajet», dedi N.Nazarbaev.
Budan keıin Memleket basshysy Eýrazııalyq ekonomıkalyq odaqtyń 5 jyl, uıym ıdeıasyna 25 jyl tolýyn 2019 jyly maýsymda elimizde atalyp ótiletinin jetkizdi.