Búgin respýblıkalyq telearnalardan Memleket basshysy Nursultan Nazarbaevtyń jyl qorytyndysy boıynsha bergen suqbaty kórsetildi. Eldegi birneshe aqparat quraldary ókilderiniń suraǵyna jaýap bergen Prezıdent bıylǵy jyly AQSh-qa jasaǵan resmı sapary týraly aıtty.
- Amerıka qurama shtattaryma barǵan saparymdy tarıhı oqıǵa degenmen kelise almaımyn. О́ıtkeni, bul - Qazaqstan táýelsizdik alǵan jyldar aralyǵyndaǵy AQSh-qa jasaǵan on birinshi is-saparym. AQSh-tyń bes prezıdentimen kezdestim. Amerıkaǵa jasaǵan altynshy resmı sapar. Aıta keterligi, Donald Tramptyń ustanymy ózgeshe. Onyń oıy "kelissózderdiń nátıjeleri Amerıka úshin paıdaly bolýy kerek" degen bıznesmenderdiń pikirimen sáıkes keledi
Ol BAQ ókilderimen qarym-qatynasty jaqsartyp, ózgeshe jaǵdaı jasap, eń bastysy kásipkerlermen etene jaqsy aralasa biledi. AQSh - búgingi tańda álemdegi eń úlken derjavalardyń biri. Ekonmıkalyq jáne áskerı qaýipsizdigi jaǵynan myqty sanalady. Bul - biz moıyndaıtyn fakt, - dedi Elbasy.
Sonymen qatar sapar barysynda Aq úı basshysymen jaqsy túsiniskenin de atap ótti.
- Buǵan deıin de biz eki ret telefon arqyly da baılanysqanbyz. Odan keıin onyń arabtarmen bolǵan kezdesýinde de jolyǵysqan bolatynbyz. Eki el prezıdentiniń arasyndaǵy "xımııalyq" baılanystyń birden bir sebebi eki saıasatkerdiń birin biri jaqsy túsinýinde.
Bizdiń AQSh-pen ara qatynasymyz jaqsy. Búginde eki el arasynda sheshimin tappaı qalǵan máseleler joq. Bizge salynǵan ınvestısııa kólemi 40 mıllıard dollardan asady. Sondaı-aq ekstremıstik qylmysqa qarsy birlese jumystar atqaryp kelemiz. Árqashan ortaq til tabysamyz. Amerıkalyqtar bizben aradaǵy yntymaqty nyǵaıtyp, odan ári damyta túsýge yntaly, - dedi Memleket basshysy.