QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda óńdeý sektorynda eńbek ónimdiligin arttyrý máselesin qaraý barysynda energetıka vıse-mınıstri B. Aqsholaqov munaı óńdeý jáne munaı-gaz hımııasy salasynda ónimder óndirisi boıynsha atqarylyp jatqan jumystar týraly baıandady.
Energetıka mınıstrliginiń derekterine sáıkes, 2018 jyldyń I jarty jyldyǵynyń qorytyndysy boıynsha munaı óńdeý salasyndaǵy eńbek ónimdiligi $89,6 myń/adamdy, 2017 jyldyń sáıkes kezeńimen salystyrǵanda naqty ósim 114,2% qurady. Eńbek ónimdiligi otandyq munaı óńdeý zaýyttarynyń (Atyraý MО́Z, Pavlodar MHZ, Shymkent MО́Z jáne «Kaspı Bıtým» JShS) negizgi munaı ónimderin óndirýi esebinen ulǵaıtyldy.
«2018 jyldyń 6 aıynda 1713,6 myń t avtobenzın, 119,1 myń t avıakerosın, 2093 myń t dızel otyny jáne 375 myń t bıtým óndirildi. 2018 jyly 3,9 mln t avtobenzın (2017 jylǵa 130,9%), 389 myń tonna avıakerosın (2017 jylǵa 128,4%), 4,4 mln tonna dızel otyny (2017 jylǵa 110,2%), 2,59 mln t mazýt (2017 jylǵa 78,96%) jáne 823 myń t bıtým (2017 jylǵa 112,6%) óndirisi kútilýde», — dedi B. Aqsholaqov.
2018 jyldyń I jarty jyldyǵynyń qorytyndysy boıynsha munaı-gaz hımııasy salasyndaǵy eńbek ónimdiligi $8,2 myń/adamdy, 2017 jyldyń sáıkes kezeńine naqty ósim — 109,7% qurady. Energetıka vıse-mınıstriniń aıtýynsha, negizinen eńbek ónimdiliginiń artýy polıpropılen jáne metıl-tret-býtıl efıriniń óndirisin ulǵaıtý esebinen qamtamasyz etilgen.
Jalpy munaı-gaz hımııasy salasynda 2018 jyldyń 6 aıynda 7,6 myń t benzol, 16,6 myń t polıpropılen, 12,4 myń tonna metıl-tretbýtıldi efır óndirildi.
Osy jyldyń qarasha aıynda paraksılol óndirisi bastaldy jáne 6,1 myń t kóleminde óndirý kútilýde. Benzol óndirisi — 11,3 myń t, polıpropılen — 27,3 myń t, 18,3 myń t — metıl-tretbýtıldi efır óndirisi kútilýde.
«Jalpy eńbek ónimdiligi turaqty ulǵaıýda. Osy baǵyttaǵy jumysty odan ári jalǵastyramyz», — dep túıindedi vıse-mınıstr.