Astananyń 20 jyldyq mereıtoıyna oraı Sofııada «Astana» kóshesiniń ashylýyna arnalǵan saltanatty is-shara ótti, dep habarlaıdy Qazaqstan Respýblıkasy Syrtqy ister mınıstrliginiń baspasóz qyzmeti.
Is-sharaǵa Bolgarııa Syrtqy ister mınıstrliginiń ókilderi, «Qazaqstanmen dostyq úshin» parlamenttik tobynyń múshesi - depýtat Borıs Iаnchev, Sofııa qalasy meriniń orynbasary Doncho Barbalov, Sofııa oblysynyń meri Ilıan Todorov, Qalalyq Maslıhat keńesshisi Sımeon Slavchev, Qazaqstan Ulttyq fýtbol qurama komandasynyń jattyqtyrýshysy Stanımır Stoılov, bokstan álem chempıony Kýbrat Pýlev, dıplomatııalyq korpýs, Bolgarııanyń isker, ǵylymı, sarapshlyq toptarynyń jáne BAQ-tar jáne qazaq dıasporanyń ókilderi qatysty.
Is-shara barysynda QR Bolgarııadaǵy dıplomatııalyq mıssııasynyń basshysy Temirtaı Izbastın Astana qalasynyń damý tarıhy týraly jan-jaqty aıtyp berdi. О́z kezeginde, Sofııa qalasy meriniń orynbasary D.Barbalov «Astana» kóshesi Sofııanyń eń ádemi oryndarynyń birinde ornalasqandyǵyn atap ótti.
Saltanatty is-shara aıasynda belgili Bolgar kompozıtory men ánshisi Orlın Goranovtyń oryndaýynda «Astana» atty áni shyrqalyp, ánniń CD dıskteri men QR Dıplomatııalyq mıssııasy ázirlegen Qazaq-Bolgar tilasharlar taratyldy.
Atap keterlik jaıt, «Astana» kóshesi Sofııa ortalyǵynda «Blgarııa» dańǵylynyń qasynda ornalasqan.