Qazaqstandyq tennısshi Denıs Evseev Gonkongte ótken júlde qory 25 myń dollardy quraıtyn ITF Futures halyqaralyq týrnırinde jeńiske jetti.
Halyqaralyq týrnırdiń sheshýshi kezdesýinde Denıs Evseev qytaılyq Ksın Gaomen kortqa shyǵyp, 6:4, 1:6, 6:4 esebimen jeńiske jetip, týrnırdiń bas júldesin ıelendi. Fınalǵa deıin jerlesimiz úsh tennısshini qapy qaldyrdy. Básekeniń alǵashqy aınalymynda jergilikti tennısshi Chaga Lamadan 6:1, 2:6, 6:3 nátıjesimen basym tússe, ekinshi aınalymda otandasymyz japonııalyq tennısshi Jampeı Iаmasakıdi 6:3, 7:5 esebimen jeńdi.
Al shırek fınalda Taıland sportshysy Vıshaı Trongcharonchaekvýldy jarys jolynan shyǵardy. Jartylaı fınaldaǵy qarsylasy Aleksandr Mıýller (Fransııa) jaraqatyna baılanysty kezdesýden bas tartyp, jerlesimiz fınalǵa esh qıyndyqsyz shyqty. Denıs Evseev qazirgi tańda erler arasyndaǵy ATR reıtınginde 359-orynda keledi.