Qazaqstan Respýblıkasynyń Syrtqy ister mınıstri Beıbit Atamqulov ózbek tarapynyń bastamasymen О́zbekstan Respýblıkasynyń Syrtqy ister mınıstri Abdýlazız Kamılovpen telefon arqyly sóılesti.
Eki eldiń syrtqy saıası vedomstvolarynyń basshylary ekijaqty jáne kópjaqty yntymaqtastyqtyń keń aýqymdy máselelerin, sondaı-aq Ortalyq Azııa elderi basshylarynyń ekinshi jumys (konsýltatıvtik) kezdesýine daıyndyq jumystaryn talqylady.
О́zbek tarapy eki baýyrlas halyqtar arasyndaǵy rýhanı ortaqtyq pen dostyqty odan ári nyǵaıtýǵa úlken úles qosqan Qazaqstandaǵy О́zbekstan jylyn ótkizýge qolǵabys kórsetkeni úshin qazaqstandyq tarapqa alǵysyn bildirdi. Sonymen qatar, О́zbekstan SIM basshysy 2019 jyly О́zbekstandaǵy Qazaqstan jyly aıasyndaǵy is-sharalardy ótkizýde qajetti kómek kórsetýge daıyn ekendigine sendirdi.
A. Kamılov Qazaqstan Respýblıkasynyń Syrtqy ister mınıstri B. Atamqulovty jańa laýazymǵa taǵaıyndalýymen quttyqtap, kez-kelgen qolaıly ýaqytta Tashkentke resmı saparmen kelip ketýge shaqyrdy.
Sondaı-aq, Mınıstr B. Atamqulov Tájikstan Respýblıkasynyń Syrtqy ister mınıstri Sırodjıddın Mýhrıddınmen telefon arqyly sóılesti.
Taraptar qazaqstan-tájik qarym-qatynastarynyń aǵymdaǵy jaǵdaıy men perspektıvalaryn, sondaı-aq Tájikstandaǵy AО́SShK besinshi sammıtin ótkizý máselelerin talqylady.
Tájikstan SIM basshysy B. Atamqulovty Syrtqy ister mınıstri laýazymyna taǵaıyndalýymen quttyqtap, joǵary qyzmet ornynda tabystar tiledi.