Malaızııa Joǵary bıleýshisi (koroli) Mýhammad V taqtan bas tartty. Bul týraly jeksenbi kúni koroldik saraı taratqan habarda aıtylǵan, dep jazady TASS aqparattyq agenttigi.
«Korol barlyq talaptardy saqtaı otyryp taqtan bas tartqany týraly resmı hat joldady», - delingen habarlamada. Joǵary bıleýshi, sondaı-aq, ózin saılaǵan Bıleýshiler keńesine (murager sultandar) alǵys aıtqan.
Onyń ne sebepti taqtan bas tartqany týraly málimet joq.
Aıta keteıik, ol 2016 jyly sáýirde Bıleýshiler keńesiniń (murager sultandar) 9 múshesi qupııa túrde daýys berýi arqyly 5 jylǵa saılanǵan.
Mýhammad V 1969 jyly ómirge kelgen. Kelantan shtatynyń sultany, Ulybrıtanııada dıplomatııalyq bilim alǵan.