Elbasy Jarlyǵymen Zyrıan aýdany men Zyrıan qalasy budan bylaı Altaı aýdany hám Altaı qalasy dep atalatyn boldy. Bul jańalyqty óńir jurtshylyǵy ystyq yqylaspen qýana qabyldap jatyr. «Shyǵys Qazaqstannyń kartasynda Altaı atty qalanyń paıda bolǵanyna qýanyshtymyz. Jańa ataý aýdanymyzǵa jańa tynys, tyń serpin berip, týrısterdiń aǵylýyna, ınvestısııa tartýǵa, sáıkesinshe jańa jumys oryndarynyń ashylýyna septigin tıgizedi dep oılaımyz. Bizdiń aýdannyń árbir turǵyny men altaılyqpyn dep maqtanyshpen aıtatyn bolady», deıdi aýdandyq jastar resýrstyq ortalyǵynyń jetekshisi Maıına Lısovsova.
Zyrıannyń Altaı ataýyn alǵanyn jastar ǵana emes, qarııalar da qýana quptap otyr. «Altaı – taǵylymdy tarıhy bar, tamsandyrar tabıǵaty bar ǵajap óńir. Aýdanymyzǵa ejelden kele jatqan osyndaı tarıhı ataý berilgenine rızamyz», deıdi aýdandyq ardagerler keńesiniń tóraıymy Ella Geıger.
Altaı taýy baýraıyndaǵy Zyrıannyń Altaı atanýyna óńirdegi, onyń ishinde О́skemendegi zııaly qaýym ókilderiniń birshama úles qosqanyn aıtpasqa bolmas. Sondaı azamattardyń biri – Qazaqstan Jazýshylar odaǵy oblystyq fılıalynyń dırektory, jazýshy Álibek Qańtarbaev. «Belgili ǵalym Ǵarıfolla Esimge «О́skemendi Altaı dep ataıyq, búıtpesek erteń Altaıdan aıyrylyp qalýymyz múmkin» dep usynys aıtqan edim osydan bir-eki jyl buryn. Ne bolsa da, oblystyń bir aýdany kıeli ataýdy ıelendi. Biz osyǵan qýana bilýimiz kerek. Sońǵy kezderi biz ózi qýanbaıtyn bolyp kettik qoı. О́ne boıymyz tunǵan qarsylyq. Zyrıannyń Altaı atanǵany jaqsylyqtyń shýaǵy kele jatqanyn ańǵartady. Endi bul úrdis Altaıdyń aýyldarynyń qazaqylanýymen jalǵassa quba-qup», deıdi ol.
Burynǵy Zyrıan, búgingi Altaı – Shyǵystaǵy ózge ult ókilderi kóp qonystanǵan aýdandardyń biri. Aýdandaǵy 9 aýyldyq okrýgtiń 8-i (Maleev, Severnoe, Sredıgornyı, Chapaev, Parygıno, Nıkolsk, Solovevo, Pervorossıısk) áli kúnge oryssha ataýǵa ıe. Buǵan atalǵan aýyldyq okrýgter ishindegi Aleksandrovka, Andreevka, Ermakovka, Bedarevka, Pýtınsevo, Bogatyrevo, Snegırevo, Krestovka, Proletarka, Orlovka, Lenınsk, Borodıno, Podorlenok, Ognıovka, Vasılevka, Dorodnısa, Bykova, Novokrestıanka sekildi aýyldardy qosyp qoıyńyz. Degenmen de qazir Altaı aýdanynda jer-sý, kóshe ataýlaryn aýystyrý jumystary birtindep júrgizilip jatyr. 2018 jyly Altaı aýdanynda 26 kóshe, al Altaı qalasynda 6 kósheniń aty aýysypty. Qaladaǵy ortalyq eki kóshege Táýelsizdik jáne Astana ataýlary berilipti. Altaı aýdany ákiminiń orynbasary Janna Asqarqyzy bul baǵyttaǵy jumystar bıyl da jalǵasyn tabatynyn, qazir jalpy bilim beretin mektepterge kórnekti tulǵalardyń esimin berý úshin tıisti sharalardyń qolǵa alynyp jatqanyn jetkizdi.
Iá, endi Zyrıanǵa qaraı zýlamaımyz, Altaıǵa qaraı alyp ushamyz.
Endeshe, Altaıǵa kel, aǵaıyn!
Azamat QASYM,
«Egemen Qazaqstan»
Shyǵys Qazaqstan oblysy