Baqyt Sultanov qala aktıvimen kezdesý barysynda qalanyń ózekti áleýmettik jáne ekonomıkalyq máselelerin sheshýge baǵyttalǵan jobalardyń jumysy týraly baıandady, dep habarlaıdy elorda ákimdiginiń resmı saıty.
Osyndaı sátti júzege asyrylyp jatqan jobalardyń ishinde ákim Big Data, Smart bilim, Smart Medısına, Open Data, ITS, E-PIK-ti atap ótti.
Sonymen qatar, Astana ákimi sıfrlandyrý qalalyqtardyń ózekti máselelerine qalaı áser etip jatqanyn tilge tıek etti.
«Ákimdiktiń biryńǵaı baılanys ortalyǵy bazasynda biz kelip túsken barlyq shaǵymdar men ótinishterge júıeli taldaý júrgizemiz. Olardyń sany ótken jyldyń ózinde 1 mln-nan asqan bolatyn», – dep habarlady B.Sultanov.
Sonymen qatar, qala basshysynyń aıtýynsha, «Sergek» foto jáne beınebaqylaý júıesin engizý jol-kólik oqıǵalarynyń sanyn 15%-ǵa, jol-kólik apatynyń saldarynan jaralanǵandardyń sanyn 16%-ǵa, al ólim-jitimdi eki esege (48%) tómendetýge múmkindik berdi.
Ákim atap ótkendeı, «Sergek» eldegi IT jáne qaýipsizdik salasynda júzege asyrylyp jatqan MJS-nyń alǵashqy jobasy bolyp tabylady. Memleket basshysy sıfrlandyrý máselelerine erekshe kóńil bólip keledi. Bıyl ákimdik Astanada «aqyldy qala» jobasyn qalyptastyrý jumystaryn tolyq aıaqtaýdy josparlap otyr.