Memleket basshysy Nursultan Nazarbaev Almaty qalasynyń ákimi Ahmetjan Esimovti qabyldady.
A.Esimov Memleket basshysyn Almatynyń áleýmettik-ekonomıkalyq damýy men “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Prezıdenttiń Qazaqstan halqyna Joldaýynan týyndaıtyn mindetterdi iske asyrý jónindegi josparlary týraly habardar etti.
Kezdesý kezinde qysqy VII Azııa oıyndaryna daıyndyq jumystarynyń barysy týraly sóz boldy.
* * *
Prezıdent Nursultan Nazarbaev Aqmola oblysynyń ákimi Albert Raýdy qabyldady.
A.Raý Prezıdentti 2009 jylǵy oblystyń áleýmettik-ekonomıkalyq damý qorytyndylary men aldaǵy kezeńge arnalǵan mindetter týraly habardar etti.
Áńgimelesý barysynda sondaı-aq Astananyń tóńireginde azyq-túlik beldeýin qurý jáne Shýche-Býrabaı kýrorttyq aımaǵyn damytý jónindegi Prezıdent tapsyrmalarynyń oryndalý barysy týraly sóz boldy.
– Eki jyldan keıin biz negizgi azyq-túlik ónimderine degen elorda jáne oblys turǵyndarynyń suranysyn tolyq qanaǵattandyra alatyn bolamyz. Shýche-Býrabaı kýrorttyq aımaǵyn damytý aıasynda bıylǵy jyly Kókshetaý qalasynyń áýejaıyn qaıta qurylymdaý, Shýche-Býrabaı kýrorttyq aımaǵynda kóliktik jáne tabıǵat qorǵaý ınfraqurylymdaryn jańǵyrtý jumystary bastalady. Prezıdent Býrabaı aýdanynda arnaıy ekonomıkalyq aımaqty damytý týraly naqty tapsyrma berdi, – dedi kezdesýden keıin A.Raý.
* * *
Memleket basshysy Nursultan Nazarbaev Ońtústik Qazaqstan oblysynyń ákimi Asqar Myrzahmetovti qabyldady.
A.Myrzahmetov Prezıdentti 2009 jylǵy oblystyń áleýmettik-ekonomıkalyq damý qorytyndylary men “Jańa onjyldyq – jańa ekonomıkalyq órleý – Qazaqstannyń jańa múmkindikteri” atty Prezıdenttiń Qazaqstan halqyna Joldaýynda alǵa qoıylǵan mindetterge sáıkes óńirdi damytý josparlarynan habardar etti.
Memleket basshysy óndiristi damytý jáne jańa jumys oryndaryn ashý jóninde naqty tapsyrmalar berdi. Bul – halqy tyǵyz ornalasqan bizdiń óńir úshin óte ózekti másele, – dep atap ótti jýrnalısterge arnalǵan brıfıngte oblys ákimi.
Qazaqstan Respýblıkasy Prezıdentiniń baspasóz qyzmeti.