Belgili kınorejısser Ermek Tursynov otandyq kınoónimderdi synǵa aldy. Bul týraly ol óziniń Facebook paraqshasynda jazdy.
Ermek Tursynov óz jazbasynda búgingi otandyq kınotýyndylardyń jaı-kúıine toqtaldy.
«Barlyq shoý-bıznes ókilderi kıno álemine kelip jatyr. Keshegi KVN oıynshylary men basqa da medıa juldyzdar búginde jyl saıyn kıno túsirip, jarysa tusaýkeser jasaıtyn bolǵan. Bir týyndynyń izin sýytpaı, artynsha jańa fılmniń afıshasy shyǵyp jatady. Otandyq teleónimniń sany artqany árıne, jaqsy. Alaıda kıno álemi oıyn alańy emes. «О́kinish», «Sısıtaı», «Toı lıýboı senoı», «Jena ne stena», «Brat ılı brak», «Uly dala komedııasy», «Glamýr dlıa dýr» sekildi kóptegen fılmderdi naǵyz fılm deýge kelmeıdi», delingen jazbada.
Sondaı-aq ol ádebıet salasyndaǵy olqylyqtardy da atap ótti.
«Medıa juldyzdar kıno túsirýmen ǵana emes, kitap jazýmen de aınalysatyn bolǵan. Mysaly Almatyda ótken kitap festıvalinde ádebıet salasyndaǵy bas syılyqty Baıan Alagózova aldy. Baıan eger jazýshyǵa aınalsa, men onda ózimdi arhıepıskop der edim. Qoǵam ishinde mundaı qubylys ornatqandar kóp. Qaırat Nurtas, Búrkit, Nurtas Adambaı, Tóreǵalı Tóreáli, Sıvı Mahmýdı sekildi bir top juldyzdar shyǵarmashylyq álemdi bıznes, saýda ortalyǵyna aınaldyrdy», dedi ol.
Sonymen qatar ol fılmdi kassadan qyrýar qarjy jınaý úshin emes, qoǵamǵa oı salý úshin túsirý qajet ekenin aıtady.
«Kıno áleminen marketıngti kórýdiń qajeti joq. Ol ózinshe bólek shyǵarmashylyq pen bıik mádenıettiń belgisi. Sondyqtan da shynaıy dúnıeni ádemi etip kórsetý kerek. Bizdiń naǵyz qaharmandar kóp jaǵdaıda kadr syrtynda qalyp qoıady. Mysaly qanshama adamnyń ómirine arasha bolǵan kardıohırýrg Iýrıı Pıa, 2016 jyly apatty jaǵdaıda 116 jolaýshysy bar ushaqty sátti qondyrǵan Dmıtrıı Rodın sekildi aramyzdaǵy talantty jandar jaıynda fılm túsirilse, kórermeni kóp bolar edi. Telearnalardan eshkimge qajeti joq juldyzdardyń ómirin úlgi etýdi doǵarý qajet», delingen jazbada.