Sex táýligine 100 tonna qoqys óńdeıdi, dep habarlaıdy Atyraý qalasy ákimdiginiń baspasóz qyzmeti.
2019 jyldyń 1 qańtarynan bastap Qazaqstan Respýblıkasynyń Energetıka mınıstrligi plastmassany, qoqys pen qoqys qaldyqtarynyń barlyq túrlerin kómýge tyıym salǵan.
Osyǵan baılanysty, Atyraý qoqys polıgonynda qatty turmystyq qaldyqtardy suryptaýǵa arnalǵan sexty ornatý josparlanyp otyr.
«Arnaýlyavtobaza» JShS basshylyǵynyń aıtýynsha, qazirgi ýaqytta ınvestorǵa qajetti jabdyqty satyp alýǵa qarajat bólindi. Sex aǵymdaǵy jyldyń ekinshi toqsanynda iske qosylady.
- Jańa seh táýligine 100 tonna qoqys shyǵarýdy josparlap otyr. Jańa jobanyń arqasynda shamamen 70 adam jumysqa ornalasady», - dedi «Arnaýlyavtobaza» JShS dırektory Almas Iztileýov.
Qazirgi ýaqytta qalada plastıkalyq qaldyqtardy jınaýǵa arnalǵan 300 konteıner ornatylǵan. Jyl ishinde olardy 500-ge deıin arttyrý josparlanýda.
- Budan basqa, aǵymdaǵy jyldyń naýryz aıynda azamattarǵa yńǵaıly bolý úshin plastık, qaǵaz jáne shyny qabyldaý úshin 10 núkte ashamyz. Qoqys jınaýǵa arnalǵan konteınerlerge qosp barlyq jerlerde de shyny tastaıtyn konteınerler ornatylady. Osylaısha, Atyraý turǵyndary birtindep qoqysty bólek jınaýǵa kóshedi», - dedi Almas Iztileýov.
Qalalyq qoqys polıgonyna táýligine 300 tonnaǵa deıin qoqys shyǵarylady. Jınalǵan plastıktiń bir bóligi Reseıge qaıta óńdeý úshin jiberiledi, bir bóligi qurylys materıaldary óndirisinde qoldanylady.