Qyzylorda oblysynyń Aral aýdany kóleminde jáne oǵan qarasty eldi mekenderde jalpy krımınogendik ahýaldy saýyqtyrý, kósheler men qoǵamdyq oryndardaǵy qylmystar men quqyq buzýshylyqtyń aldyn-alý, jol qaýipsizdigi salasynda quqyq buzýshylyqtardyń jolyn kesý, kámeletke tolmaǵandar arasyndaǵy qylmystylyqtyń jaı-kúıin zertteý, polısııa organdarynyń esebinde turatyn azamattar men azamattyq qarý ıeleriniń qarýdy saqtaý erejelerin tekserý maqsatynda Qyzylorda oblysynyń Polısııa departamenti qyzmetkerleri, patrýldik polısııa qyzmetkerleri jáne jyldam qımyldaıtyn arnaıy jasaqtan quralǵan jumys toby Aral aýdanynyń polısııa bólimine tájirıbelik kómek kórsete otyryp, jedel profılaktıkalyq sholýlar uıymdastyrýda.
Is-sharaǵa Polısııa departamenti qyzmetkerlerimen qatar aýdandyq polısııa bóliminiń ýchaskelik jáne ıývenaldy polısııa ınspektorlary, patrýldik polısııa qyzmetkerleri jumyldyrylyp, halyq kóptep shoǵyrlanatyn aımaqtardy patrýldeý, krımınogendik ahýaly kúrdeli degen ákimshilik aımaqtarǵa reıdtik sholý jumystaryn júrgizýde.
Aýdan kóleminde ótkizilip jatqan reıdttik is-sharanyń 2 kúninde 100-ge jýyq ákimshilik quqyq buzýshylyq derekteri anyqtalǵan bolsa, avtokólikti tıisti qujatsyz basqarǵany úshin 30-ǵa jýyq avtokólikter aqyly aıyp turaǵyna qoıyldy. Sonymen qatar, aýdandyq polısııa bóliminiń profılaktıkalyq esebinde turatyn tulǵalar meken-jaılarynan tekserilip, olarmen qylmysqa qaıta jol bermeýin túsindirý jáne qadaǵalaý sharalary jasalýda.
Bul baǵyttaǵy is-sharalar oblystyń basqa aýdandarynda da jalǵasyn tabatyn bolady.