Uıqyńyz jaıly bolý úshin qalaı jatqanyńyz durys? Shalqańyzdan, oń ıa sol jaq qabyrǵańyzǵa qısaıyp jatyp, uıqyńyz qansa boldy ma? Joq, olaı emes eken. Mysaly, dárigerler shalqadan jatyp uıyqtaý saý adamnyń da tynys alý júıesine zııan ekenin eskertedi.
Al sábı kútip júrgen anaǵa shalqadan jatýǵa múlde bolmaıdy. Ol ishtegi náresteniń tynys alýyn nasharlatady. Sonymen qatar anasynyń da júrek qan tamyrlaryna óte zııan. Nege? О́ıtkeni shalqaıyp jatý bir mınýtta júrekke quıylatyn qannyń kólemin azaıtady. Ol jatyrǵa baratyn qanǵa da teris áser etedi. Sonyń saldarynan ishtegi shaqalaqtyń demalýy qıyndaıdy.
Ǵalymdar dúnıege sábıi jansyz kelgen 150 ana men saý bala týǵan 600 erikti áıeldiń uıyqtaý ádetterin zerttepti. Zertteý nátıjesinde 28 apta tolǵannan keıin shalqadan jatyp uıyqtaý óli bala týý qaýpin 4 paıyzǵa joǵarylatady. Bul qosymsha faktorlardy eseptemegende. Al qursaqqa 37 apta tolǵanda shalqadan jatyp uıyqtaý tipti qaýipti. Sebebi bala týra sol ýaqyttarda óte názik bolady.
Bul keńesti kez kelgen aıaǵy aýyr ana, bolashaq ana bilýi tıis. Al bizdiń sharıǵatymyzda súnnetke saı oń qabyrǵańyzǵa qısaıyp uıyqtaý abzal.