Brıtandyq Vouchercloud portaly Nobel laýreattarynyń sany, el turǵyndarynyń ortasha IQ kórsetkishi jáne mektep úlgeriminiń krıterıılerine sáıkes álemniń eń aqyldy elderiniń reıtıngin shyǵardy.
Álemdegi eń aqyldy 25 memlekettiń tiziminde Japonııa kósh bastap tur. Kúnshyǵys eliniń birinshi orynǵa ıe bolýy úsh krıterıı boıynsha baǵalanǵan. Japonııa mektep úlgerimi boıynsha besinshi oryn, Nobel syılyǵy jáne halqynyń ortasha IQ deńgeıi boıynsha altynshy orynda.
Reıtıngtiń birinshi bestigine Shveısarııa, Qytaı, AQSh jáne Nıderlandy kiredi. Reseı – altynshy, Belgııa – jetinshi, Ulybrıtanııa segizinshi orynǵa taban tiregen. AQSh Nobel syılyǵynyń laýreattary (368 dam) esebinen tórtinshi orynda tur. Al IQ boıynsha 28-oryndy alsa, oqýdaǵy jetistikterimen 13-orynǵa jaıǵasqan.
Forbes jýrnalısi Dýnkan Medden reıtıngti zertteı kele, halyqtyń IQ deńgeıi boıynsha kósh bastap turǵan azııalyq memleketterdiń bolashaǵy jarqyn ekenin aıtqan. Sıngapýr Nobel syılyǵynyń laýreattary boıynsha 73-orynda, al IQ men mekteptegi oqý jetistikterin baǵalaǵanda birinshi oryndy ıelengen.
Qazaqstan negizgi reıtıngke kirmegenimen oqýshylardyń jetistigi boıynsha Ulybrıtanııa, Izraıl, Shveısarııa elderin basyp ozyp, toǵyzynshy orynǵa turaqtaǵan. Reıtıng avtorlary Qazaqstannan mundaı nátıje kútpegenin aıtqan.
«Reseıdiń kórshisi Qazaqstan álemdegi eń aqyldy balalary bar memleketterdiń ishinde onynshy orynda tur. Múmkin kóz aldymyzda jańa ıntellektýaldy derjava qurylyp jatqan bolar?», delingen portaldaǵy aqparatta.