Oblys ortalyǵynda zaman talabyna saı jabdyqtalǵan oftalmologııalyq ortalyq paıdalanýǵa berildi.
Joba memlekettik-jekemenshik seriktestik aıasynda júzege asyp, jarty mıllıard teńge jumsaldy. Budan bylaı soltústikqazaqstandyq oftalmologtar kóz aýrýlaryn emdeý úshin ınnovasııalyq ádisterdi keńinen qoldanatyn bolady. Bolashaqta balalar oftalmologııasyn damytý, kózdiń ishki qabyǵy aýrýlaryn emdeý josparlanyp otyr.
Ortalyqtyń ashylýy medısınalyq qyzmetter sanyn kóbeıtýge de múmkindik berdi. Klınıkada táýlik boıy keńes-dıagnostıka jáne stasıonarlyq kómek kórsetilip, kúrdeli kóz aýrýlary emdeledi. Memlekettik tapsyrys aıasynda tegin em ala alady. Aqyly qyzmet túrleri de kórsetilmek.
«О́ńirde kóz aýrýlary boıynsha 7 myńǵa jýyq adam dıspanserlik esepte tur. Bizdiń maqsat – turǵyndar úshin jergilikti jerlerde sapaly medısınalyq qyzmet uıymdastyrý. Buryn soltústikqazaqstandyqtar kóz aýrýlaryn emdetý úshin elimizdiń basqa óńirlerine, shetelge baratyn bolsa, endi olaı sabylmaıdy. Kóp ota kepildi tegin medısınalyq kómek aıasynda tegin jasalady» dedi keshenniń ashylý saltanatynda sóılegen sózinde aımaq basshysy Qumar Aqsaqalov.
Oblysta bıyl jańa qondyrǵylardy satyp alýǵa bıýdjetten 4 mıllıard teńge bólindi. Oblystyq aýrýhanaǵa 2 magnıtti-rezonansty tomograf pen angıograf satyp alynady.
О́mir ESQALI,
«Egemen Qazaqstan»
Soltústik Qazaqstan oblysy