Aıagóz aýdanyndaǵy múmkindigi shekteýli 156 balaǵa, atap aıtar bolsaq, aýdan ákimdiginiń aýmaqtyq áleýmettik kómek kórsetý ortalyǵyna qarasty 136, aýdandyq múgedekter qoǵamynyń 20 múmkindigi shekteýli balalaryna Parlament Májilisiniń depýtaty, atymtaı jomart azamat Nurtaı Sabılıanov Jańa jylǵa oraı arnaıy syılyqtar men quttyqtaý hattaryn joldapty.
Halyq qalaýlysynyń balalarǵa arnalǵan bazarlyǵyn «Nur Otan» partııasy aýdandyq fılıaly tóraǵasynyń birinshi orynbasary K.Gabdýlına tabys etti.
Merekelik is-sharaǵa kóptegen ertegi keıipkerleri erekshe sán berip, jınalǵan balalarǵa jan jylýyn syılady. Sheksiz qýanyshqa bólengen balalar ásem shyrshany aınala jańa jyldyq taqpaqtar oqyp, án aıtyp, bı bılep, oıyndarǵa qatysyp shat-shadyman boldy. Kesh sońynda balalar Aıaz atamen jáne ertegi keıipkerlerimen estelik sýretke tústi. Osy oraıda Jarma, Úrjar aýdandary balalaryna da osyndaı Jańa jyldyq bazarlyq joldanǵanyn aıta ketken jón.
Erekshe atap óterligi, bul - Nurtaı Salıhulynyń alǵashqy syılyǵy emes. Bul on tórt jyldan beri dástúrge aınalyp kele jatqan úrdis.
Azamat QASYM,
«Egemen Qazaqstan»
Shyǵys Qazaqstan oblysy,
Aıagóz aýdany