Shańǵymen júgirýden Qazaqstan ulttyq quramasynyń bas bapkeri Iýrıı Kamınskıı elimizdiń bes aımaǵynan kelgen jas sportshylarǵa ashyq sabaq ótkizdi. Sheberlik sabaǵy Almaty oblysy Talǵar qalasyndaǵy shańǵy-bıatlon kesheniniń bazasynda uıymdastyryldy dep habarlaıdy Olympic.kz.
Ashyq sabaq barysynda otyzǵa jýyq jas sportshy tanymal bapkermen tildesip, kókeıindegi suraqtaryn qoıyp, kásibı mamannyń aqyl-keńesterine qulaq túrdi.
«Sabaq barysynda bizdiń sportshylar jaı ǵana bapkermen emes, shańǵy sportynyń kózi tiri ańyzymen kezdesti. Iýrıı Mıhaılovıch balalarmen de, kásibı sportshylarmen de jumys istegen myqty maman. Qyrkúıek aıynda ol aımaqtardan kelgen bapkerlerge arnap semınar ótkizgen. Búgin balalarmen kezdesip, kópshiligimen jekelegen jattyǵý ótkizdi. Kemshilikterin kórsetip, keńesin berdi. Mundaı ashyq sabaqtardyń paıdasy ushan-teńiz», - deıdi ShQO aǵa bapkeri Oksana Iаskaıa.
Iýrıı Kamınskııdiń sheberlik sabaǵy eki kezeńnen turdy. Birinshi bólimde Reseıdiń eńbek sińirgen jattyqtyrýshysy jas sportshylarmen teorııalyq turǵyda oı bólisip, qandaı jattyǵýlarǵa kóp kóńil bólý kerektigin eskertti. Ekinshi bólimde sportshylar praktıkalyq turǵydan sabaq aldy.