Keshe «Astana» Prezıdenttik kásibı sport klýbynyń bas menedjeri Asqar Batalov «Astana» fýtbol klýbynyń ujymyna jańa atqarýshy dırektordy tanystyrdy.
Bıyldan bastap elimizdiń bes dúrkin chempıonyn 49 jastaǵy aǵylshyn mamany Pol Eshýort basqarady. Pol uzaq ýaqyt boıy óz elinde «Norvıch Sıtı», «Kembrıdj Iýnaıted» jáne «Pıterboro Iýnaıted» komandalarynyń quramynda qyzmet etken. Keıinnen ol óz mansabynda Latvııada 10 jyldan astam «Venspıls», «Rıga» jáne «Skonto» klýbtarynda jumys istegen.
Sonymen qatar Eshýort Baltyq elderi komandalarynan bólek, «Rostov» (Reseı) fýtbol klýbynda sport dırektory, artynsha bas bapkerdiń mindetin atqarýshy jáne nıgerııalyq «Kvara» jáne «Ondý Steıt» fýtbol klýbtarynda tehnıkalyq dırektor qyzmetterin atqarǵan.
Daıyndaǵan Álı BITО́RE,
«Egemen Qazaqstan»