О́tken jyly Elbasynyń bes áleýmettik bastamasy aıasynda M. Qozybaev atyndaǵy Soltústik Qazaqstan memlekettik ýnıversıteti janynan joǵary medısına mektebi ashylyp, alǵashqy túlekterdi qabyldaǵan bolatyn.
SQMÝ-niń prorektory Erbol Isaqaevtyń aıtýynsha, munda medısına ınternderi men bakalavrlar daıyndalyp, óńirde joǵary bilimdi mamandarǵa degen tapshylyqty azaıtýǵa múmkindik týdyrylady. Búgingi kúni 185 stýdent bilim alsa, olardyń 74-i tegin oqıdy. Materıaldyq-tehnıkalyq bazany nyǵaıtý maqsatymen bıyl 148 mıllıon teńge qarastyrylyp otyr.
«Stýdentter qataryna Indııa men Grýzııanyń da talapty jastary tartylǵan. Bilim sapasyn halyqaralyq talaptarǵa sáıkestendirý úshin AQSh-tan, Qytaıdan, Lıtvadan, Polshadan 8 oqytýshy arnaıy shaqyrtyldy. Bolashaq dárigerler óndiristik tájirıbeden ótý úshin jergilikti klınıkalyq mekemerlermen kelisim-shart jasaldy», deıdi joǵary medısına mektebiniń dırektory Áset Izdenov.
О́mir ESQALI.
«Egemen Qazaqstan».
Soltústik Qazaqstan oblysy.