Fınlıandııanyń Lahtı qalasynda shańǵy jarysynan jasóspirimder men jastar arasyndaǵy álem chempıonaty ótedi. 21-28 qańtar aralyǵyndaǵy dodaǵa qatysatyn Qazaqstan komandasynyń quramy belgili boldy dep habarlaıdy Olympic.kz.
Erler arasynda Oljas Klımın, Áset Dúısenov, Vlad Kovalev el namysyn qorǵaıdy.
Al áıelder arasyndaǵy básekede Valerııa Tıýlenova, Ksenıa Shalygına, Angelına Shýryga, Elmıra Mýtagarovalar baq synaıdy.
«Qazaqstannyń jastar men jasóspirimder komandasy álemdik dodaǵa shaqyrtý aldy. Jasóspirimder arasynda úzdikter qataryna engender 2020 jyly Lozannada ótetin jasóspirimder Olımpıadasyna qatysý úshin qosymsha kvotaǵa ıe bolmaq. Komanda úzdikteri alǵashqy ondyqqa enedi degen úmittemiz», - deıdi Qazaqstandaǵy shańǵymen jarysý federasııasynyń bas hatshysy Andreı Nevzorov federasııanyń resmı saıtynda.
Fınlıandııadaǵy álem chempıonatyna Qazaqstan sportshylaryn ulttyq quramanyń bas bapkeri Iýrıı Kamınskıı bastap barady.
Qazaqstandyq komanda klassıkalyq stıldegi sprınt, erkin stıl, mass-start jáne estafetada óner kórsetedi.