Qazirgi ýaqytta, kópshilikke belgili, elimizdiń densaýlyq saqtaý salasynda mindetti áleýmettik medısınalyq saqtandyrý júıesi kezeń-kezeńmen engizilýde. Mindetti medısınalyq saqtandyrý paketi halyq úshin 2020 jyldan bastap qoljetimdi bolady.
Osy baǵytta alǵa qoıǵan mindetterdiń biri – emdeý mekemelerindegi medısınalyq qyzmettiń qoljetimdiligin qamtamasyz etý, turǵyndarǵa ýaqytyly sapaly medısınalyq qyzmet kórsetý. Bul, ásirese, qyzmet baby nemese oqý, t.b. túrli sebeptermen Qazaqstannyń kóptegen aımaǵynan kelýshileri kóp Astana qalasy úshin mańyzdy. Máselen, 2018 jyldyń sońǵy aılaryndaǵy kórsetkishti alyp qarasaq, emhanalardaǵy jalpy praktıka dárigerleriniń júktemesi óte kóp, 1 ýchaskege 2000-nan asa adam tirkelgen. Osy jáne ózge de máselelerdi retteý maqsatynda, aldaǵy ýaqytta, ıaǵnı 2019 jyly elordamyzda alǵashqy medısınalyq-sanıtarlyq kómek uıymdarynda qosymsha ýchaskeler ashý, sondaı-aq, alǵashqy medısınalyq-sanıtarlyq kómek kórsetetin qosymsha ortalyqtar qurý josparlanyp jatyr. Sáıkesinshe, ýchaskelik dárigerler men pedıatrlar, mamandar bekitilgen kestege saı aýrýlardy basqarý baǵdarlamalary men biliktilikterin jetildiredi.
«Bul sharalar jospary Qazaqstan Respýblıkasy Prezıdentiniń 2018 jylǵy 12 qazandaǵy № 772 Jarlyǵymen bekitilgen, Memleket basshysynyń 2018 jylǵy 5 qazandaǵy "Qazaqstandyqtardyń ál-aýqatynyń ósýi: tabys pen turmys sapasyn arttyrý" atty Qazaqstan halqyna Joldaýyn iske asyrý jónindegi sharalar týraly jalpyulttyq josparynyń 42-tarmaǵyna sáıkes shyǵarylǵan QR Densaýlyq saqtaý mınıstri E.Birtanovtyń «О́ńirler bólinisinde alǵashqy medısınalyq-sanıtarııalyq kómektiń qoljetimdiligin arttyrý boıynsha sharalar keshenin iske asyrý» týraly 2018 jylǵy 14 jeltoqsandaǵy № 716 buıryǵy negizinde bekitiledi. Astana qalasynda 2019 jyldyń sońyna deıin alǵashqy medısınalyq-sanıtarlyq kómek kórsetetin 68 qosymsha ýchaske ashý jáne 11 qosymsha ortalyq qurý josparlanýda. Nátıjesinde 1 jalpy praktıka dárigerine tirkelgen turǵyndar sany 1700 shamasynda bolady. Al dárigerler, ıaǵnı dáriger júktemesi azaıyp, medısınalyq qyzmet sapasy artady dep kútilýde. Qor tegin medısınalyq kómektiń kepildik berilgen kólemi sheńberinde medısınalyq qyzmetterdiń aqysyn tóleıtin qarjy operatory mindetin atqarýdy jalǵastyra otyryp, elorda emhanalary men aýrýhanalarynyń qyzmet sapasyn nazardan tys qaldyrmaıdy», - deıdi «Áleýmettik medısınalyq saqtandyrý qory» KEAQ Astana qalasy boıynsha fılıalynyń dırektory Nurlybek Qabdyqaparov.
Sonymen birge, turǵyndar da emdeý mekeleriniń qyzmetin baǵalaı alady. Ol úshin «Halyqtyq baqylaý» qosymshasyn Android platformasyna negizdelgen smartfondarǵa Playmarket arqyly, al iOS platformasy úshin AppStore arqyly júktep alýǵa bolady. Osy qosymshanyń kómegimen pasıentter emhanalar men aýrýhanalardy kórsetilgen qyzmet deńgeıin, qabyldaýǵa ketken ýaqyt, t.b. ólshemder boıynsha baǵalap, óz pikirin erkin jazyp qaldyra alady. О́z kezeginde Qor pasıentter pikirin mindetti túrde eskeredi jáne turǵyn halyqty da óz densaýlyqtaryn kútýge shaqyrady. О́ıtkeni, Áleýmettik medısınalyq saqtandyrý qory jumysynyń alǵysharty – deni saý myqty ult qalyptastyrý.
Esterińizge sala keteıik, 2019 jyldyń 1 qańtarynan bastap biryńǵaı jıyntyq tólem júıesi engiziledi. Ol ózin ózi jumyspen qamtýshylarǵa baǵyttalǵan tórt túrli tólemdi – jeke tabys salyǵy, mindetti zeınetaqy jarnasy, medısınalyq jáne áleýmettik saqtandyrý qoryna jasalatyn jarnalardy biriktiredi. Osylaısha, azamattar ýaqyty men qarjysyn únemdep qana qoımaı, bolashaqta jeke basyna qajetti tólemderden qol úzbeıdi.
Janargúl ÚMBETOVA,
"Áleýmettik medısınalyq saqtandyrý qory" KEAQ
Astana qalasy boıynsha fılıalynyń
Halyqty aqparattandyrý jáne olardyń ótinishterin
Qaraý bóliminiń bas sarapshysy