Ishki ister mınıstrligi «Halyqty qujattandyrý júıesi» arqyly jeke tulǵalardyń mekenjaı málimetterine avtomatty rejımde mekenjaı tirkeý kodyn engizý tetigin iske qosty.
Osyǵan oraı Shymkentte azamattardyń mekenjaı málimetterin ózektendirý kezinde 263 myń qala turǵynyna mekenjaı tirkeý kodtary berilmegeni anyqtalǵan. Tirkeý kody bolmaǵan jaǵdaıda turǵyndar jyljymaıtyn múlik aıasynda memlekettik qyzmetter boıynsha qajetti málimetterdi tolyǵymen ala almaıdy. Bul týraly qalalyq Polısııa departamentiniń baspasóz qyzmeti habarlaıdy.
Endigi kezekte jyljymaıtyn múlik ıeleri men Shymkent qalasynyń turǵyndary tirkeý kodtaryn ıemdený úshin Halyqqa qyzmet kórsetý ortalyqtaryna júginýleri qajet. Tirkeý kodtarynyń bar-joqtyǵy týraly aqparatty «Azamattarǵa arnalǵan úkimet» korporasııasyna júginý arqyly alýǵa bolady. Ol úshin ózimen birge jeke basyn kýálandyratyn qujaty bolýy kerek.
Aıta keterligi, memlekettik qyzmet kórsetý júıesinde «Elektrondy úı kitapshasy» qyzmeti de qosylǵan. Onda úı ıesiniń suranysymen tirkelgen azamattar týraly málimet beriledi.
Nurshat TО́KEN,
«Egemen Qazaqstan»