№2 qalalyq aýrýhanasynda júktiliktiń 34 aptasynan bastap, jas analardy baqylaýda ustaıtyn patologııa bólimshesi ashyldy. Jańadan ashylǵan bólimshede EKO arqyly júkti bolǵan, merziminen asqan júktilik, arterıaldyq gıpertenzııanyń orta dárejesi, jeńil preeklampsııa, anemııanyń aýyr dárejesi, gestasııalyq qant dıabetiniń kompensasııa satysynda júkti kelinshektirdi emdeıdi.
Atalǵan medısına uıymy tolyǵymen zamanaýı qurylǵylarmen qamtamasyz etilgen. Aıta keterligi, jańadan ashylǵan bólimshege qarasty perzenthanada zerthanalyq qyzmet táýlik boıy jumys isteıdi. Qabyldaý bóliminde shuǵyl shaqyrylym júıesi ornatylǵan. Bul boıynsha naýqasqa qajet bolǵan mamandar jedel shara qabyldaýǵa múmkindigi jeterlik. Máselen, 2018 jyly bul perzenthanada – 3 500-den astam ana náresteli bolyp, bala týý kórsetkishi 2017 jylmen salystyrǵanda 751-ge artqan.