Qorǵas shekaralyq baqylaý otrıadynyń jaýapkershilik aýmaǵynda ornalasqan Halyqaralyq shekara boıy yntymaqtastyǵy ortalyǵynda shekara narıady 2019 jylǵy 15 qańtarda shekaralyq jáne kedendik baqylaýdan ótip bolǵan 21 jastaǵy qazaqstandyq azamatty ustady. Bul týraly QR UQK shekara qyzmetiniń baspasóz qyzmeti habarlady.
Onyń júginen shekarashylar bizdiń eldiń aýmaǵyna zańsyz engizbekshi bolǵan 4 qorapta, jalpy salmaǵy 68,5 kg tartatyn qytaı dári-dármegin anyqtaǵan. Ustalǵan azamattyń júgi aktilenip Altynkól keden beketine tapsyryldy. Saraptama júrgiziletin bolady. Zańsyz júktiń ıesi ákimshilik jazaǵa tartylatyn bolady.